Novo vídeo potente de Bodyboard con Cristian Pérez facendo un sinfín de tubos nunha praia que segundo Fotosplino cada día que pasa melloran as súas condicións.

Xa está aberto o prazo de inscripción para a 1ª Proba Open Circuito Galego Bodyboard na praia de Frouxeira en Valdoviño organizado pola Federación Galega de Surf e a Escola de Surf Pantín os días 25 e 26 de Febreiro. O evento vai ser aberto e coas modalidades de homes e mulleres. Haberá trofeos para os 4 primeiros clasificados e o custe de participar é de 25 €.

Cristian Pérez é un dos riders máis completos de BB da nosa costa e tamén unha persoa fora de serie polo seu xeito de ver o mar e compartir as súas experiencias cos seus amigos. Aquí o tedes desfasando nun dos nosos pequenos slabs de dereita no sur da nosa costa facendo tubos e rolos sen parar. Vïdeo: Fotosplino

Novo traballo de Marcos Amor na Rede cunha escolma das súas mellores fotos montadas nun formato vídeo en Vimeo. Marcos é un dos nosos mellores fotógrafos e é un pracer poder presentarvos este traballo.

Boa sesión de BB da man de de Fotosplino e con Coto, Rubén e Alex como protagonistas nunha sesión nunha dereita potente e perigosa do sur da nosa costa.

Velaquí tedes o novo traballo de Fotosplino gravado este sábado pasado en Mougás, unha das costas máis bravas do noso país, na compaña de varios riders das Rías Baixas. Ondas pequenas e moi pouco fondo fixeron posíbel esta sesión de tubos enriba das rochas.

Un novo vídeo de Liquen Concepts con imaxes potentes de surf e bodyboard, algún wipeout e ondas perfectas na nosa costa. Un bo xeito de felicitar estas festas que xa rematan.. Filmado e editado por Samuel Simo e Pablo López.

Velaquí tedes outra sesión de bodyboard e surf nos Muertos a finais do ano pasado da man de Benito Oliveira. Bos tubos e esquerdas rápidas como podedes ver nas fotos.

Roberto The Box en plena acción