Durante o primeiro semestre de 1.988 percórrese o difícil camiño da súa legalización administrativa, dada a inexistencia en Galicia dunha Federación Galega de Surf. O que se tratase o primeiro club dunha disciplina deportiva, o surf, engadía máis dificultades. Por fin, no comezo do verán de 1.988 a Xunta legaliza ao club dándolle o número 1.570 no rexistro de clubs deportivos de Galicia.
 

A primeira circular que editou o club, recollía os seus obxectivos, fins e actividades. Entre eles:

- Obter todo tipo de información sobre surf: películas, vídeos, revistas, etc...
- Preservar e mellorar na media do posible o entorno surfístico-ecolóxico.
- Organizar campionatos de todas as modalidades do surf e concursos relacionados.
- Participar en campionatos organizados por outras entidades, clubs ou federacións.
- Realizar excursións colectivas.
- Colaborar nas tarefas de socorrismo e salvamento.
- Solicitar todo tipo de subvencións que faciliten o desenvolvemento da nosa actividade.
- Conseguir descontos na compra de material deportivo.

 

Lonxe quedan xa aqueles días nos que o carteiro trataba de localizar inutilmente o noso existente local social na praia de Doniños para entregarnos unha carta.