Hoxe en día por mor da crecente presión urbanística nas nosas costas existen certas partes da costa europea onde a masificación surfeira é evidente. Na nosa Terra temos o exemplo de Patos onde un Domingo con boas ondas podémonos atopar con máis de 200 surfeiro/as na procura de ondas perfectas.

Se isto segue a medrar así nuns cantos anos a saturación producida vai dar tanto noxo que o surf perderá o seu valor máis importante, a sensación de liberdade e independencia que produce a súa práctica. Un xeito de potenciar o surfing na Galiza, e na Europa, sería a fabricación de reef artificiais en praias cunha ondaxe forte que sempre rompe en barra, tamén conhecido coma "cerrojo".

Nesta reportaxe podes aprender como montar un reef artificial, sempre que tenhas os cartos necesarios. Mais entre todos e todas poderiámolo acadar. Que tal estaría ter un Pipeline en Samil???

O desenho do reef pode ter o xeito dunha ala-delta ou triangular. Deste xeito producirase un pico de dereitas e esquerdas de alta calidade que permitiría surfear máis surfeir@s asemade. O modelo a escala, 2 metros, que podes mirar na imaxe inferior foi producido e probado nunha banheira de ASR Ltd en Ranglan, Nova Celandia.

Na imaxe de embaixo podes mirar tamén un diagrama do contorno do reef ( as ondas venhen da esquerda á dereita). O reef estase a construír nun lugar cunha fondura de 4.5 metros. A crista do reef será sobre 0.4 metros por embaixo da maré máis baixa do ano. O volume total do reef é duns 6000 m3.



AS ONDAS do REEF

Nunha clasificación entre o 1 e mailo 10, as ondas desenhedas acadan unha nota entre 6-7, fazéndoas surfeabeis pra surfeiros e surfeiras dun nivel medio, a súa lonxitude é duns 50 metros en cada dirección e a onda será oca dapondo coa maré baixa.

O desenhador Dr. Kerry Black, explica que a forma triangular do reef produce unha onda clásica. Esta onda vai ser unha réplica pequecha de Pipeline en Hawaii - cunha onda rápida nunha dirección do pico e outra máis lenta dependendo da dirección da maruxía. Camda menos uns 50 surfeiros e surfeiras poderían entrar na auga a colher ondas sen atrancos e por riba poderían ser quen de colher as ondas de dereitas ou de esquerdas. Ha ser abraiante!!

Secuencia da onda rompendo na banheira de probas

CONSTRUINDO O REEF

O reef faise con 24 sacos xeotéxtiles individuais de diferentes tamanhos. Os sacos baleiros ataranse nunha rede en terra antes de ser montados e levados até o lugar escolhido nunha barcaza. O reef artificial baleiro depositarase no fondo do mar mediante un tipo especial de áncoras. Unha vez asegurado no lugar, 6000m3 de area seran bombeados nos sacos até os encher e lhe dar o xeito definitivo ao reef.

Os sacos deitaranse de xeito que os sacos pequenos sexan os primeiros en recolher a enerxía das ondas, como podes ollar no gráfico de enriba e de embaixo. Os sacos 19,18 e 17 tenhen unha altura dun metro e 35 metros de longo. Os sacos van crecendo até chegaren os sacos 3 e 4, que tenhen unha altura de 3.5 metros e unha lonxitude de 50 metros.

 
Vista lateral

Esquema das ataduras entre os sacos

Na imaxe de embaixo podes mirar unha imaxe tomada nun parquet onde se fixeron as probas de montaxe do reef. Como podes ollar o seu tamanho é inmenso!!! O saco da esquerda é o máis cativo do reef. A lonxitude é duns 70 metros. 

CANTO TEMPO LEVA CONSTRUIR UN?

Esto depende realmente das condicións do mar xa que se necesita un período de calma pra trabalhar. Mais ou menos, os seus creadores din que leva cousa dun mes rematalo no fondo do mar.

RESISTIRÁ UN TEMPORAL??

De seguro que si. Os sacos levan entre 27 e 660m3 de area.

AFUNDIRASE O REEF NO LEITO MARINHO??

O saco máis pesado leva un medidor pra controlar isto. Esperase un afundimento de 0.5 metros no primeiro ano mais isto xa se incorporou no proceso de desenho do reef.

BENEFICIOS DA NOVA ONDA

Este reef ha producir unha onda de categoria mundial pró surf, windsurf, kitesurf e bodyboard. Para alén disto, creará un novo hábitat marinho onda o peixe e o sargaso poidan medrar e rexerar a fauna marinha.

Economicamente, a construción dun reef supón un gasto certamente mais en Australia e Nova Celandia probouse cun reef retorna entre 30 e 70 veces o seu custo, mediante o gasto dos visitantes e dos surfeiros e surfeiras.

Galeria de Fotos

Quen se anima a fazer un en Samil??