Xa está aberto o prazo de inscrición da 1ª Proba Open de Longboard e Paddleboard, para a próxima fin de semana o día 11 de Febreiro, na praia da Ladeira no Concello de Baiona. Haberá actividades como bautismos de iniciación ao surf e ao paddle surf.
A Revista Baobab editou o seu número de inverno, #14, cunha entrevista principal de excepción, o skater máis famoso do mundo, Tony Hawk, antes de viaxar a Mumbai co seu Air Show respondeu a algunhas preguntas para Baobab sobre a súa traxectoria, sobre os comezos do skate en California -acaba de presentar en Sundance xunto aos ZBoys a película Bones Brigade- sobre as súas afeccións, a súa xira por Europa e sobre a industria e todo o que rodea o skateboard.
Gony, Hodei e Rowan surfando un fermoso pico na costa de Portugal. Ondas dun metro con tubo e bos beizos pra se facer aéreos. Todo un luxo de vídeo pra comezar esta semana..
Velaquí tedes algunhas das fotos publicadas no blog de José Morandeira da sesión no Castro con Carlos Viñas, Milo Castelo, Cristian Pérez e outros riders da zona aproveitando as ondas dunha das praias máis fermosas da nosa costa.
Novo vídeo de Van Surf coas imaxes dunha viaxe ao Salvador en Centroamérica con Nacho, Luís e Mendiola. A conexión Vigo-Viveiro volveu a funcionar nunha viaxe chea de surf e boas ondas.
Hoxe temos que comunicarvos que xa está na Rede a nova web e blog de Bruno Novoa, un colaborador habitual da nosa web e un dos mellores fotógrafos da nosa costa. Nestes últimos tempos o equipo formado por Bruno e Eric Rebiere fixo posíbel situar a nivel europeo algunhas ondas e slabs da nosa costa con sesións brutais en Oia e na Costa da Morte.
A Federación Galega de Surf vai realizar un Curso de Meteoroloxía aplicada ao Surf e os deportes naúticos. Este curso farase os días 21 e 22 de Abril e ten un custe de 75€ (5€ de desconto para os federados).
O curso será impartido por Tony Butt e Gabriel Pérez de European Surf Forecasting, dous expertos no tema e con moito prestixio internacional.
Acabamos de recibir o novo calendario oficial de eventos da Federación Galega de Surf para o 2012. A principal novidade deste ano é a incorporación do Paddle Surf como modalidade oficial. Este ano son presentados 26 eventos polo que vai ser un ano con moita competición.
A primeira proba oficial deste ano será a 1ª Proba Open de Longboard e Paddle, na Praia da Ladeira, no Concello de Baiona, organizado por Prado surf club. Os competidores de Paddleboard xa se poden federar na sua modalidade a través da web.
CALENDARIO
CIRCUITO GALEGO FEDERACION GALEGA DE SURF 2012
Dende a web de Valdovino.net recibimos a boa nova de que a natureza fixo o seu traballo no día de onte e abriu a lagoa da Frouxeira en Valdoviño permitindo o valeirado de centos de metros cúbicos da auga no mare.
Video de Isa Gundín, de 12 anos, e Alberto Mosquera, de 13 anos, adestrando en Novembro do 2011 con Kako García. A canteira ferrolán non para de traballar pra manter o seu liderazgo surfeiro na nosa costa nos campionatos galegos.
Nesta primeira reportaxe do ano sobre ondas solitarias que rompen soas na nosa costa, ides coñecer unha onda que busca riders e que rompe sempre sen xente en fronte da vila mariñeira da Guarda. Segundo nos comenta Alexandre González, local da Guarda, non hai rochas no fondo nin con marea baixa e a onda ten boa pinta e non precisa de moito mar.
Boa entrega fotográfica da man do blog de Occy con Miguel, Erika e Luís Rodríguez, tres dos mellores riders de Ferrolterra e que estiveron na auga o pasado sábado en Doniños.
A empresa basca Wavegarden está desenvolvendo unha nova onda artificial na cidade inglesa de Bristol. Nestes momentos están tramitando as licenzas co obxetivo de abrir na primavera do 2013. Esta vai ser unha boa oportunidade de comprobar o potencial e a rendabilidade deste proxecto comercial xa que vai ser posible que xente de zonas de interior poidan sentir o surf.
Aquí tedes a terceira entrega do primeiro campionato de surf Trofeo Concello de Nigrán organizado na praia de Patos por Frus e Novalbos.Neste vídeo tedes as semis e as finais con moitos míticos riders galegos daquelas datas. A voz de Carlos Riera soa pola megafonía e é unha parte importante neste documento histórico do surf galaico.
Estes días abriu Piratas, unha nova escola de Paddle Surf nas Rías Baixas, da man de Sergio Lage. O Paddle Surf é unha modalidade complementaria perfecta para os días de pouco mar e ondas pequenas. Tamén podedes facer rutas pola costa e disfrutar do mar na compaña dos vosos amigos. Tedes servizos de clases de paddle surf, aluguer de material e rutas polo río Lérez e a Ría de Pontevedra.
Velaquí tedes un fermoso vídeo coas alumnas de Van Surf School na Mariña como protagonistas prinicipais. Catalina e as súas amigas mostran o divertido que é aprender a surfear nunha praia segura e con ondas pequenas. Se vivides perto de Viveiro e queredes aprender a facer surf soamente tedes que contactar con eles na súa web www.thevansurfschool.com
O vindeiro mes Liquen Concepts vai presentar un vídeo longo de surf con 15 minutos de surf e bodyboard gravados en diferentes spots da costa galega durante o 2011. Este vídeo é un adelanto do que ides poder ver... seguiremos informando.
Patos Surf Escola - Praia de Patos - Nigrán www.patossurf.com Descripción: Esta escola de surf leva dando clases dende o ano 1993. As clases de surf, bodyboard e longboard son na Praia de Patos no Concello de Nigrán.
Teñen dous niveis de cursos:
Iniciación ou perfeccio ... Concello: Nigrán Teléfono: 638 724 917 / 625 420 154 Páxina Web: www.patossurf.com Visitas: 87
Fai unha Doazón!
SurfGZ.com somos uns 6.000 lectores habituais e realizamos unhas 12.000 visitas e 30.000 páxinas visitadas cada mes. Mante-la web actualizada leva horas de traballo e ti podes axudar co que queiras, mesmo con 1,2,3 ou 5 euros.
SurfGZ.com vive dos anunciantes, sponsors e dos seus lectores. Se che gusta e podes, contribue a manter esta web en marcha. Graciñas!
A 
Acabamos de recibir o novo calendario oficial de eventos da Federación Galega de Surf para o 2012. A principal novidade deste ano é a incorporación do Paddle Surf como modalidade oficial. Este ano son presentados 26 eventos polo que vai ser un ano con moita competición.
Ata Sempre Queima!
41 CommentsAxi Muniain "Mis Olas" [VIDEO]
30 CommentsUn día na esquerda de Monteferro...
16 CommentsSesión de Tubos en Patos - 9/10/2010
16 CommentsCampaña de Apoio aos Shapers Locais!
13 CommentsVídeo do Campionato Promesas 2011
12 CommentsAviso de roubos nas praias de Ribeira!
7 CommentsAta sempre David!
7 CommentsCampionato Galego Individual e por Equipos - Soesto
7 CommentsTartaruga Surf Center abre as súas portas nas Rías Baixas!
6 Comments