No blog de Kike Aradas tedes unha boa entrevista feita a Diego Álvarez Lourido, rider coruñés, local de Bastiagueiro, e unha das grandes promesas do surf galego que ten 17 anos e xa foi campión do Circuíto Galego na súa idade  e superou unha grave lesión o ano pasado.

Os vindeiros días 26 e 27 de Maio, celebrarase a 3º Proba do C.G. Infantil e Xuvenil 2012 na praia de Area Maior en Malpica. As inscripcións xa están abertas e o número de inscritos limitaráse aos 120 primeiros riders que fagan a súa inscripción. Lembrade que o xoves, ás 13 horas, é o último día para facela inscripción e o pago mediante ingreso ou transferencia bancaria ademáis da autorización paterna e o formulario de dereitos de imaxe firmados. O día do campionato non se poderá federar, nin inscribir, nin facer o pago do mesmo.

Esta fin de semana celebrarase a 2ª Proba open de Longboard e Paddle Surf no areal de Nemiña no Concello de Muxía. O prazo de inscripción está aberto ate o 16 de Maio. Podes formalizar a tua inscricion en Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo Tamén se desenvolverá un campionato paralelo a competición oficial de longboard 100% clásico!!. Os gañadores de longboard e paddle serán premiados con un bono viaxe patrocinado por Ryanair!!

Yago Chamorro - O Campionato Zorlak 20 Anos de Surf arracaba ás 10 da mañá, as condicións do mar, cuarto metro sen vento, comezaba o evento coas mangas sub-15 nas que os máis novos deron un bo espectáculo con moitos novos competidores que o fixeron moi ben. A continuacion, comezaron as mangas das rapazas nas que as riders locais dominaron claramente e surfearon a un bo nivel. A categoría Open estivo complicada polo pequeno tamaño das ondas pero se miraron manobras fortes e radicais. 

O Invitacional con Pipo Domínguez, Milo Castelo, Yago Chamorro, Emerson Lopes, Nico Pena, Guille Gómez e Luís Ansin que deron espectaculo con catro táboas Zorlak feitas para a ocasión, tamén realizouse un sub-10 no que puidemos ver aos mais pequenos dando o mellor de si.

Novo post no Blog de Bruno Novoa con grandes riders do bodyboard en Galicia como Fran Aguilar, David Grandal, Pedro Montero, Andrés Manso e Carlos Calvo nunha sesión salvaxe na costa galega. Foto: Baixadón de Andrés Manso.

Velaquí tedes unha das últimas sesións de Photosurf - Benito Oliveira na praia de Balieiros o pasado 29 de abril. Máis de sesenta imaxes que mostran a beleza da costa, natureza e a dureza do surfing galego cando as ondas non son demasiado boas.

Velaquí tedes unha fermosa historia sobre o primeiro surfeiro galego que tivo unha refencia na revista americana Surfing nos anos 80. Jesús Busto recupera este texto do 2007 de arquivo no seu disco duro e publicou unha reportaxe máxica que mostra os comezos do surf en Galica e as primeiras referencias internacionais en revistas de prestixio.

No cuarto capítulo de 'Ojo de Pez' tedes unha boa reportaxe da terceira proba Open de Bodyboard do Circuíto Galego, que se celebrou na praia de Esteiro na Mariña hai poucos días. Alba Rodríguez, da Prado Surf Escola, é a peixe desta semana. Jaji fala con Pablo Solar, seleccionador estatal de surf e catro veces campión de España.

Ancoradoiro Surf - Pra dar a coñecer á xente que surfea na zona do Barbanza, Marcos Heinrich conversa con Adrián Martínez sobre os seus comezos e experiencias no mundo do surf.

Galegos asociados polo Longueirón ven de sacar un comunicado no Facebook do Campionato de Nemiña pra avisar do cambio de datas da proba para a seguinte fin de semana, días 18 e 19 de Maio.

Este é o comunicado: "Una pena pero con todo el dolor de nuestro corazón aplazamos el campeonato de longboard&sup&logger de este domingo en la playa de Nemiña, las razones, la orientación del mar, que no la vemos totalmente clara para realizar un buen evento.

Pra colaborar na nova campaña de Artsurfcamp soamente tes que facer click nos dous botóns desta web Artsurfcamp/solidario e eles farán unha doazón de 5 céntimos de euros ao Proxecto Harapan. Artsurfcamp quere axudar con proxectos que axuden aos máis desfavorecidos e espallen ilusión polo mundo como o 'Proxecto Harapan' que axuda a unha comunidade local na illa de Sumbawa en Indonesia en diferentes ámbitos: sanidade, educación, infraestructuras básicas, auga e nutrición.

A Revista Baobab acaba de publicar o seu novo número de primavera con moitas noticias interesantes e as crónicas dos campionatos feitos estes primeiros meses do ano na nosa costa. Tedes unha reportaxe sobre a historia das primeiras mulleres surfeiras no Cantábrico e en Galiza.