É unha mágoa que ter comunicar que a 1ª Proba do Circuíto open de Longboard e paddleboard na Praia de Nemiña en Muxia volve ser aprazada para finais deste mes de abril. Os partes de ondas e ventos non son nada favorabeis e polo tanto a FGS e o clube organizador GAL prefiren retrasalo na espera de boas condicións pra ofrecer un bo espectáculo.

O pasado sábado día 7 de Abril daba comezo en San Vicente de la Barquera a primeira proba do Circuíto Cántabro de Stand Up Paddle en modalidade Race, o Circuíto referencia en España e o de maior nivel a cargo, nesta ocasión, da escola Costa Norte e Días de Surf en colaboración coa Federación Cántabra de Surf. O rider galego Coque Araujo, primeiro pola esquerda, rematou nun excelente segundo posto demostrando o bo estado do paddle race na nosa costa.

As previsións meteorolóxicas xa auguraban que a carreira ía ser moi dura e o sábado atopabámonos na praia do Tostadero a 6ºC, con pedrisco e ventos fortísimos que se unían ás correntes causadas pola marea, así que desde as 08:30 da mañá a organización xa estaba ao choio para conseguir un desenvolvemento impecable da proba a pesar das adversidades.

Terceira entrega de Diego Álvarez con imaxes da súa viaxe polas terras de Asturies a pasada semana santa. Non tivo demasiada sorte na súa viaxe mais puido surfear algunhas sesións como podedes ver no vídeo.

Xa está aberto o prazo de inscripción da primeira proba do Circuito Galego de Surf 2013 na praia de Areamaior en Malpica de Bergantiños. Tedes toda a info en: http://fgsurf.org/novas/circuito/402-1o-proba-do-circuito-galego-open-de-surf-praia-de-area-maior-malpica-de-bergantinos.html

Nova entrega fotográfica da man de Benito Oliveira na praia de Lanzada con boas ondas e moitos locais na auga. A praia de Montalvo é unha das mellores opcións nas Rías Baixas cando o vento do nordés golpea a nosa costa e nela podedes atopar tranquilamente a máis de medio cento de riders na auga compartindo as súas ondas.

Este vídeo é o segundo episodío dunha miniserie composta por tres capítulos dunha viaxe a Galicia o pasado verán e que trata sobre o mundo do surf galego. No vídeo podedes ver a riders como Marcos Pita e Ruffo Navarro ensinando surf aos alumnos de Pantín Surfcamp. Un bo vídeo divertido e veranigo para estes días de frío e choiva.

Vídeo de bodyboard do colectivo Prado BBK gravado os días 23 e 24 de Marzo por Matías Rivas. Música electrónica e moito traballlo de edición pra facer un vídeo elaborado e rápido de ver no que aparecen moitas caras coñecidas do mundo BB das Rías Baixas.

A FGS comunicou onte a cancelación dos dous eventos do Circuito Galego convocados esta finde nas praias de Patos e Nemiña. Ambo-los dous quedan en periodo de espera ata que cheguen boas ondas que permitan a celebración deste eventos.

+ info en:

http://fgsurf.org/novas/circuito/401-aplazados-los-campeonatos-de-patos-y-nemina.html