Comezamos esta semana cunha nova entrevista a un dos máis destacados surfeiros da nosa terra, Dani Alvite. Fixemoslle unhas cantas preguntas pra nos coñecer os seus proxectos para este novo ano 2009 e o seu xeito de pensar respecto a práctica do longueirón nas praias galegas.

Esta é a ficha técnica de Dani,

• Nome: Daniel Alvite Ceriana
• Idade: 25
• Anos surfeando: 14
• Spots que frecuentas: Todos os da zona…dependendo do parte.
• Estudos/Traballo: nunha tenda de motos.
• Un hobby: facer vídeos.
• Unha viaxe: California.
• Un soño: moitos.
• Música preferida: escoito de todo (mentres sexa boa eh!)
• Sponsors: CeCe surfboards
• Mellores Resultados: 11º posto no LQS da ASP en Tapia, 3º no circuito nacional 06 e 07, campión galego 2004 e 2008.
• Deixa unha mensaxe para os nosos lectores: deixar as praias limpas.

E agora as preguntas e respostas:

Como e cando comenzaches no mundo do Longboard?

Desde pequeno sempre me chamou máis o longboard, aínda que tamén teño táboas curtas
A primeira vez que vin facer un noseriding souben que iso era o que quería

E a competir??

Aos 15 aínda que comecei a competir con táboa curta, e aos 17 con long máis ou menos.

Como é un día normal na túa vida?

Pois depende moito a época do ano, agora no inverno, pouco surf… Traballar durante o día e pola tarde ximnasio e os fins de semana buscar ondas.

Que che parece o nivel galego de longboard??

Hai nivel, aínda que non todos compiten, no 2007 dentro das 5 primeiras posicións do circuíto nacional había 3 galegos. Pero falta apoio, por parte das marcas e as federacións.

Agora hai máis xente nova na auga con longboards??

Agora a xente anímase a comprar longboard e iso esta ben, dentro dun quiver sempre hai que ter unha táboa longa.

É dificil conseguir sponsor??

Si, e mais nesta modalidade  hai que aprender do resto de Europa onde as marcas apostan polo longboard. Aquí aínda hai un atraso nese tema, poderíaselle chamar a política do pseudo-radicalismo por parte das marcas.

Que palabra prefires usar “longboard”, “tablón” ou “longueirón”??

A orde dos factores non altera o resultado ¡!. Mentres o resultado sexa maior de 9 pés pódeselle chamar como un queira.

Ti tamén desenvolves un blog en internet onde publicas info surfeira. Como valoras esta experiencia na rede??

Só estou a comezar, é unha forma de facer un pouco máis próximas as noticias do longboard mundial, e en especial das nacionais e rexionais. O meu blog é www.longboard-ers.blogspot.com

Acabas de rematar o ano como Campión Galego. Que sintes despois deste esplendido resultado??

Bo, é un resultado que esta ben, que fai que che den ganas de ir a por màis, pero se as cousas non cambian na federación, será o ultimo. Xa que gran parte dos longboarder estamos un pouco cansos do trato recibido no circuíto. Este ano hai proxectos para non depender da federación, e demostrar que podemos facer cousas moi importantes para o longboard e para o surf, sen ter que contar coa federación.

Que planes tes para o 2009, viaxes, campionatos??

Pois o 2009 comeza ben, é o primeiro ano que estou de cheo coa xente de cece surfboards e con eles hai algunhas viaxes programadas para facer fotos e vídeos. En canto a campionatos este ano centrareime no nacional e o europeo, e en maio se a ASP permíteo participar nos triais do WTL de Francia.

E aínda estou á espera de ver se podo ir en marzo a Australia ao festival de longboard de Nossa, aínda que està difícil sen un patrocinador principal.

Moitas gracias por colaborar nesta entrevista Dani. Se queres podes escribir unhas palabras para dicir o que queiras aos nosos lectores:

O primeiro agradecerche pola entrevista e felicitarche pola web, xa era hora de algo así en Galicia. E a xente que visite a web todos os días.

Abrazos

Todas as fotografías feitas por Awakate menos a terceira foto que é de Jose Haya