Aledámonos moito de poder publicar que xa está na Rede a nova web de Zorlak Surfboards. Walter Nieto é o shaper e manager deste obradoiro de surf nas Rías Baixas e agora xa podedes ver o seu catálogo online e contactar pra lle solicitar info ou facer pedidos. SurfGZ promove o apoio aos shapers locais como xeito de potenciar o surf galego e a nosa propia industria. Non merques pranchas de fora se podes surfar 100% galego!

Aquí tedes o novo catálogo de Chusma Surfboards cos seus modelos de pranchas de surf. Bonzer, Simons, Zen, Fish, Stubbie e Longboards son os modelos presentados neste catálogo. Podes descargar o seu catálogo facendo click aquí.

Descargar o seu catálogo facendo click aquí.

A xente de Roto Surf Works xa está traballando de novo reparando pranchas de surf nas Rías Baixas no seu novo taller. Este ano tamén van arranxar as pranchas de foam de escolas grazas ás melloras no seu sistema de traballo. Podedes deixar o voso material pra reparar nas tendas que colaboran con eles: Waira, The Box, Novalbos ou As Surf Shop.

A empresa de shape galega Iron Mountain Surfboards acaba de publicar en Surfmarket.org o seu catálogo con prezos actualizados para a nova tempada 2011/2012. Xa podedes ver os oito modelos feitos pensando nas ondas galegas por Román Díez.

Tedes 3 modelos de longueirón pra facer moderno e clásico a partir de 500 € e cinco pranchas curtas de diferentes estilos onde destaca o módelo de Manu Blanco, rider do seu team, tamén tedes varios siglefin e unha minisimos con moi boa pinta a partir de 250 €.

Podedes visitar o seu catálogo dende a seguinte ligazón:

http://www.surfmarket.org/es/comunity/userprofile/Iron%20Mountain%20Surfboards?tab=adsmanagerTab

Os riders do Barbanza están de noraboa xa que Stinky Tofu Surfboards ven de abrir o seu novo obradoiro e tenda en Xuño no Concello de Porto do Son. Alex Cancio, o shaper, publicou os seus agradecementos e bastantes fotos no seu blog que podedes visitar pra ver os últimos modelos de pranchas e coñecer o novo local de traballo.

Surfmarket.org e SurfGZ.com lanzan hoxe esta campaña de apoio aos nosos shapers nestes tempos nos que as grandes marcas queren vender pranchas de fora a uns prezos altos. Mercar unha prancha de fora ten unha pegada de carbono moi elevada polo gasto en combustible no seu transporte. Asemade, os cartos do teu peto marchan pra fora a empresas que logo non invirten nas nosas praias nen nos nosos clubes. 

En Galiza temos un bo número de shapers locais que coñecen perfectamente as nosas ondas e saben como surfamos xa que nos ven na praia todos os días. Coñecen o noso peso e como colocamos as pernas cando estamos de pé na onda. Estes son os prinpicipais motivos polos que se vas comprar unha prancha nova, non dubides en contactar co teu shaper local e falar primeiro con el.

Seguro que consigues un prezo mellor e unha nova prancha máis adaptada ao teu nivel de surf.

Shapers Locais:

Podes contactar cos seguintes shapers:

Rías Baixas - Iron Mountain Surfboards

Rías Baixas - Roto Surfworks

Rías Baixas - Zorlak Surfboards

Rías Baixas - Stinky Tofu Surfboards

Costa da Morte - Chusma Surfboards

Costa da Morte - Ohana Surfboards

Costa da Morte - Muxía Surfboards

Coruña - Baer Surfboards

Coruña - Northwest Surfboards

Ferrolterra - LumeBoo Surfboards

Ferrolterra - Toma Goma

Ferrolterra - V&C Surfboards

Na páxina 32 da revista Tintimám tedes unhas boas fotos e unha reportaxe sobre a marca galega Iron Mountain Surfboards. Na portada da revista tedes a Román Díez coa nosa camisola traballando no seu galpón.

Pukas e Art Surfcamp alían as súas forzas na praia de Razo para presentar un evento en directo con todos os ingredientes: Shapers internacionais, táboas, riders e surf. Johny Cabianca, Mikel Agote, Mario Azurza e Adur Letamendía compartirán experiencias e presentarán o PUKAS TEST PILOT 2012. Poderase facer preguntas en directo ás que eles contestaráns. Manuel Alonso, director técnico do Art Surfcamp, Jaime Azpiroz e Christan Haro, comerciais técnicos de Pukas, estarán tamén presentes.

Como ingrediente especial e exclusivo Pukas mostrará as táboas de Leds que tanta expectación xeraron: www.pukassurf.com/new.php?id=1010

Poderás seguir o evento en directo e participar na páxina www.artsurfcamp.com/live e a través de facebook de Artsurfcamp e de Pukas .