Novas fotos dunha sesión na praia da Lanzada a primeiros de mes da man de Benito Oliveira. Os riders da Ría de Pontevedra puideron desfrutar dunha sesión nun día soleado e con boas ondas na que houbo moito desfase de manobras e xiros.

A Federación Galega de Surf acaba de abrir a súa tenda online na que podedes mercar as camisolas e sudadeiras oficiais de 2012. Tedes varios modelos da colección Galifornia e outros bos deseños que podedes levar e vestir moda galega surfeira. As camisolas custan 15€ e as sudadeiras a 25€.

Novo vídeo de Luís rodríguez nunha dereita potente con bos tubos e manobras radicais. Vídeo: Desdelacroa.

O surf en Galicia está de noraboa xa que estes días xa que Ojo de Pez estrou a súa web na que tedes todos os seus episodios enteiros con moita calidade. Ojo de Pez leva apoiando e filmando todos os eventos surfeiros na nosa costa e isto permite chegar a moita xente grazas ó seu traballo. Recomendámosvos gardar esta web no voso cartafol de favoritos.

Icons of Aloha é un vídeo coas mellores sesións do inverno do ano pasado en Hawaii e con riders míticos e entrevistas a persoeiros do mundo do surf. Alana Blanchard, Stephen Koehne, Ross Williams, Sean Moody e Shane Dorian falan das súas experiencias na auga e tamén aparecen outras lendas do surf como Taylor Knox, Mick Fanning e Rob Machado. 23 minutos de surf para recibir este venres!

Sesión de surf do Mission Surf Team nas augas de Galifornia! Milo Castelo e os seus alumnos desfasando e surfando todo o que poden...

Novo Morepisode cos primeros baños do 2012 en diferentes praias da costa galega. Riders: Pablo Montero, Alex Fernandez, Tanaka, Pepo, Rayito, Bony, Carmen e Juan Fernandez. Aparecen no vídeo Kala, Moncho, Peter, Dani, Marian, Fer e Dario. Musica de CSS - Music is my hot hot sex. Monologo de Arufe.

Bruno Novoa ven de publicar unha fermosa reportaxe de surf, ondas e fotografía no seu novo blog que non vos podedes perder. Nesta reportaxe ides coñecer outra cara de algunhas ondas galegas que rompen na Mariña e que aguantan moito tamaño e nun futuro non lonxano van dar moito que falar.

Jesús Busto ven de publicar no seu blog DesdelaCroa o seu vídeo resumo coas mellores imaxes do Campionato Pantín Classic 2011. Un dos vídeos máis potentes que podedes ver de Pantín cos mellores riders internacionais que pasaron por Valdoviño o ano pasado.

Aproveitamos este venres pra vos invitar a ver este vídeo de surf  "Sorry, We're Open", presentado o 2011 e que ten como protagonistas as estrelas do surfing Clay Marzo, Dion Agius e Ry Craike. As ondas do vídeo foron grabadas en Indonesia, Francia e Hawaii. Moitos tubos e aéreos pra disfrutar media hora diante da pantalla estes días fríos de inverno. Boa fin de semana!