Noraboa a Luís Rodríguez polo premio de 500€ ao mellor wipeout no evento de Punta Galea Challenge. Neste vídeo tedes as imaxes coas mellores ondas, o wipeout e a entrega de trofeos na parte final. No blog de Océano Surf Clube tedes a secuencia completa do wipeout.

Xa está na rede grazas a Ojo de Pez o vídeo do campionato "O Mellor dos Mellores" que tivo lugar na praia do Orzan o pasado mes de Nadal. Marcos Pita explica o formato do evento e tedes imaxes de todos os riders na auga.

Velaqui tedes o novo vídeo de Ojo de Pez do Campionato Galaico Luso 2011 que tivo lugar a pasada fin de semana na praia de Patos. Surf, Bodyboard e Longboard xuntaron aos mellores riders de Portugaliza nas augas da Ría de Vigo.

Occy acaba de publicar no seu blog as primeiras fotos do Campionato do Orzán "O Mellor dos Mellores". Tamén podedes ver outra galería do evento no bog de begofouz.blogspot.com. As ondas non foron boas pero non eran pequenas. O surf estivo moi pelexado na auga onde Luís Rodríguez volveu mostrar o seu alto nivel e fíxose coa proba. Erika en rapazas tamén destacou.

Ferrolterra Rules!

Con máis de 60 inscritos entre galegos e portugueses o domingo día 4 ás 9 da mañá arrancou a 3ª edición do Campionato Galaico-Luso 2011. Con tres modalidades distintas surf, bodyboard e longboard, os presentes pasaron unha estupenda xornada na la praia de Patos. Edición: César Dk.

Pablo Montero amosou de novo a súa boa forma na auga na praia de Patos e levouse os 300 euros en metálico como campión na modalidade de surf Open.

Surf Homes:

1º Pablo Montero
2º Luis Rodríguez
3º Guille Gómez
4º Emerson Lopes

Surf Mulleres:

1º Isabel Gundin
2º Cristina Iglesias
3º Eva Robledo
4º Isabel Machado (Portugal)