O Km.0 SurfCamp é un novo evento surfeiro galego que vai ter lugar na Mariña. Neste evento van participar 12 riders estatais de prestixio internacional os días 11, 12 e 13 de Marzo e vas poder estar na auga con eles e seguilos polo seu percorrido en busca das mellores ondas na costa da Mariña. Podedes seguir as novidades deste evento no seu blog e no seu facebook.

Surfeiros participantes:

• Hodei Collazo
• Gony Zubizarreta
• Adur Letamendia
• Jaji Iglesias
• Ivan Villalba
• Pablo Solar
• Indar Unanue
• David Sastre
• Jonathan Gonzalez
• Pablo Romero
• Pablo Gutierrez
• Kepa Acero

Info oficial do evento:

O venres 11 de marzo, ás seis da tarde, arrincaremos este evento presentando os participantes ante os medios de comunicación no Hotel Fogar do Mariñeiro (Ribadeo).

O sábado 12 de marzo, todos madrugaremos para saír de Ribadeo e poder gozar de praias tan incribles como as Catedrais (Ribadeo). Alucinarás coa Expression Session (esta web informará en tempo real das localizacións dos surfers). E haberá premios non só para o “prol”, senón para os máis atrevidos… Anímache a participar!

Se o teu é o Camiño de Santiago, a partir das cinco da tarde percorre o tramo de illa Pancha até o albergue de Peregrinos con todos nós (esta vez sen prnacha de surf, por favor!). E despois, para relaxarnos, a partir do seis e media comezará a demostración de wake-surf nocturno na ría de Ribadeo.

Como fin de festa, ás nove e media da noite chegará a entrega de premios no local Ribanzo de Ribadeo… cunha festa surfeira (proxección de vídeos, etc) para os máis noctámbulos a partir das once e media da noite.

O domingo 13 de marzo, a xornada de surf arrinca na praia de Rapadoira (Foz). Ven a surfear coa elite estatal e os nosos monitores. Se non tes material, non te preocupes, prestámoscho de balde. Iso si, para reservas de material, é necesario chamar: 982 120 064.

Blog do evento:

http://km0surfcamp.deputacionlugo.org

Facebook:

http://www.facebook.com/km0surfcampdeputacionlugo