Xa pasou o Jaguai na Lanzada 2011 cun éxito que non moitos esperaban. A xornada empezou para os organizadores as 7:45 da mañá cuns nervios tremendos porque as predicións non eran moi fiábeis; pero cos primeiros raios de sol xa soubemos que outra vez A Lanzada non nos defraudaría. Sol e ondas e as 9:15 empezamos as primeiras mangas de surf cun vento frouxo de NE e ondas de medio metro. Emerson Lopes, Pipo Domínguez, Itziar Guisasola e Milo Castelo foron os rideres destacados do evento. Fotos: Benito Oliveira.

Pipo rematou segundo na súa praia

Co transcurso das roldas o público empezou a aparecer pola praia, xente de toda a provincia que se uniu a esta festa do surf na que finalmente participaron 71 competidores en 4 modalidades; Surf homes, Longboard, Paddlesurf, e Surf mulleres.

Un clásico das Rías Altas, Occy

O Campión de Surf Emerson do equipo Ohana Surfboards

Cara as cinco da tarde empezaron as finais, primeiro as de Surf Feminino, coa marea alta que permitiu que a praia se convertese nunha bancada na que o público presente aplaudía as espectaculares manobras e xiros dos deportistas.

O futuro do longueirón galego está asegurado

Carlota agarrando o canto

O final da proba os resultados foron os seguintes:

Surf Homes: 1º Emerson Lopes, 2º Pipo, 3ºChamo, 4º Guillermo Gómez
Longueirón: 1º Pipo Domínguez, 2º Román Díez, 3º Néstor, 4º Rufo Navarro
Surf Mulleres: 1ª Itziar Guisasola, 2ª Cristina, 3ª Carlota Lago, 4ª Alba
Paddle surf: 1º Milo Castelo, 2º Dani Rodriguez, 3º Marcos Almon, 4º Victor Domínguez

Milo Castelo foi o campión na modalidade de Paddle surf

Dende a organización gustaríanos dar as grazas a todos, en especial a: Mission surf shop, Kailua, Onda, Federación Galega de Surf, Decosurf, Zorlak Surfboards, The Surfeiros Piratas, CocaCola, Oeste Surf, Concello do Grove e por suposto a  Alberto, Xabi, Javi, J.Pazos, Walter, Milo, Félix, César, Chamo, Gerardo, Alex e a Román!!!! e a todos os competidores e público en verdade moitísimas grazas!!

O próximo ano máis!!!!!

Máis fotos en: https://picasaweb.google.com/PHOTOSURFBRARDII/JAGUAI01102011

Texto: Sergio Lage Cuiñas

Fotos: Benito Oliveira