Surf Campionatos Vicente Romero e Isa Gundín campións do Noroeste Pro 2017
Vicente Romero e Isa Gundín campións do Noroeste Pro 2017
Domingo, 11 Xuño 2017 19:57


O surfeiro hispano-brasileiro Vicente Romero proclamouse vencedor desta primeira edición do Noroeste Pro realizado con motivo do 20 Aniversario da Federación Galega de Surf en excelentes condicións de ondas na praia do Orzán da Coruña. Vicente, que reside en Ferrol, fixo de profeta na súa terra e mostrou todo o seu repertorio de surf innovador e progresivo.

Na final tivo que competir co surfeiro vasco Hodei Collazo que partía como un dos favoritos para a vitoria final ao que apenas deu opción. O galego Gony Zubizarreta houbo de conformarse cun terceiro lugar no podium e un posto en semifinais xunto ao brasileiro André Moi que foi a gran sorpresa do campionato.

Aéreo de Vicente Romero - Foto: Matias BBK

A pesar de que o tempo non acompañou como en xornadas anteriores, as ondas non defraudaron e o público congregado na praia do Orzán puido gozar dun gran espectáculo de surf e ondas con grandes surfeiros como Marlon Lipke, John Junior, Luan Carvalho, Eric Rebiere, Pablo Guitierrez, Axi Muniain ou Iosu Alcántara.

En categoría feminina a surfeira ferrolá Isa Gundín impúxose á asturiana Lucía Martiño, a Marta Santiago e Lola Bermúdez mostrando un surf moi sólido durante todo o evento.

Péchase así unha semana chea de actividades en torno ao mundo do surf un evento que aspira a consolidarse como un referente do surf de competición na península.

Tedes + info en:

http://noroestepro.com/2017/06/11/vicente-romero-vencedor-del-noroeste-pro/


 
1 Vote

Axúdanos a manter SurfGz.com

Estimados amigos, hoxe pedímosvos que axudedes á SurfGz.com. Mantémonos grazas a doazóns dunha media de 5€ e colaboracións con escolas e marcas surfeiras que aportan cartos todos os anos pero que non son suficientes para xestionar ben o proxecto. Só unha pequena parte dos nosos lectores doan.

Se todos os que visitan o noso website doasen 10€ ó ano, poderiamos manter dignamente a web e pagar por reportaxes, colaborar con fotógrafos, actualizar a web, facer pegatas, axudar aos campionatos locais que organizan os clubes galegos e moito máis... Exacto, todo o que necesitamos é o prezo dun café ou refresco. Se consideras que SurfGz.com éche útil, dedica un minuto para mantela en liña e crecendo. Grazas.

Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: