José Varela acabou en segundo lugar na categoría de longueirón, na 1ª Caldeirada de Surf celebrada esta finde pola xente de Silfocamps na praia de Area Maior de Malpica. Con este resultado, o surfeiro carballés, que só foi superado por Pipo Domínguez, adxudícase o torneo galego da especialidade grazas ás vitorias de Razo e Os Castros. Domínguez foi tamén o gañador na proba de surf, por diante de Pablo Montero e Marcos Heinrich. Entre as mulleres destacou Erica Franco, que se impuxo a Yolanda Rodríguez e Blanca Escrigas.

A calidade das ondas foi mellorando segundo avanzaba a xornada e a frustración de primeira hora da mañá tornouse en satisfacción pola tarde. Os afeccionados puideron gozar dun gran espectáculo maia a persistente choiva que non parou de caer en todo o día.

Máis info en: http://silfocamps.com

Todas as fotos en: http://www.facebook.com/joosMayi#/album.php?aid=137428&id=652735302&ref=mf