Velaquí tedes un post sobre a reportaxe que Bruno Novoa publicou o mes pasado na revista EspacioSub da Federación Galega de Actividades Submarinas onde explica o funcionamento das ondas xigantes na costa galega. Este gran profesional da fotografía e o submarinismo ve recoñecida de novo a súa laboura a prol do surf XXL en Galicia e na formación do equipo Jet Galicia pra dar a coñecer a nosa costa a nivel internacional.

Comezamos esta semana cunha entrevista Miguel Pérez "Mike", unha das promesas do surf da comarca de Ferrolterra e que aos seus 16 anos surfea con moito estilo e potencia. O ano pasado foi o campión do circuito asturiano sub-16 e tamén fixo un esplendido resultado no 2009 levándose o subcampionato galego de surf. Este discípulo de Pablo Romero "Occy" vai dar moito que falar no mundo do surf galego e estatal.

A pasada semana a xente de Roto Surf Works publicou unha entrevista miña onde fago un pequeno repaso aos comezos de SurfGZ e a miña vida como surfeiro en Galiza e nas Canarias. Podedes ler esta entrevista na seguinte ligazón:

http://rotosurfworks.blogspot.com/2011/02/entrevista-surf-gz-kiko-campos.html

Hoxe publicamos unha entrevista con Kike Aradas, surfeiro, viaxeiro e activo blogueiro que comparte videos e fotos connosco dende o 2008. Kike Aradas estivo en medio planeta e contounos algunhas das súas experiencias como viaxeiro nesta entrevista. Nesta foto tedes a Kike en Indo nunha boa esquerda.

Esta finde publicamos unha entrevista a Jaji Iglesias, surfeiro local de Patos e coñecido en toda a nosa costa polo seu bo surf. Jaji leva toda a vida collendo ondas xa que empezou con 11 anos a surfar da man do seu irmán Nacho e bastante tempo competindo. Nesta entrevista podes ler as súas opinións sobre o surf libre e de competición.