Comunicado Oficial da FGS - Coa chegada do novo ano querémosvos informar da chegada dunha nova dirección á Federación Galega de Surf e de paso desexarvos o mellor para este ano que comeza así como agradecervos o voso apoio para chegar ata aquí.

Querémosvos transmitir que comezamos este novo reto cunha gran motivación e un montón de novas ideas coma as seguintes:

• Creación doutra sede para ter  maior cobertura. Vai ser en Malpica, pero todas as asembleas serán en Santiago de Compostela. Para que sexa para todos os clubs a mesma distancia.
• Modificación de estamentos.
• Principios de acordo cunha importante empresa galega para ampliar sponsors para a federación.
• Iniciativa de ampliación para “A túa primeira onda” e fomento do surf como deporte escolar.
• Maior participación dos clubes e consolidación dunhas relacions bidireccionais.
• Fomento en campionatos de bodyboard e longboard.
• Organización de concentracións onde os mellores deportistas traballen o perfeccionamento do surf  no equipo galego.
• Continuidade das conversas coa  Xunta e a Ufedega para conseguir o respaldo da lei para que só poidan dar clases de surf os técnicos titulados.
• Realización dos cursos de técnico deportivo nivel 1 e nivel 2, a finais de xaneiro e febreiro.
• Fomento e apoio ao surf infantil e junior.
• Renovación da web.
  

Esperamos cumprir todas as vosas expectativas e tamén vos queremos agradecer desde aquí todo o apoio e motivación, unha grande aperta e vémonos nos campionatos.

Juan José Rodriguez Hierro

Presidente da Federación Galega de Surf

Web da FGS: http://www.fgsurf.com/