A Revista Baobab editou o seu número de inverno, #14, cunha entrevista principal de excepción, o skater máis famoso do mundo, Tony Hawk, antes de viaxar a Mumbai co seu Air Show respondeu a algunhas preguntas para Baobab sobre a súa traxectoria, sobre os comezos do skate en California -acaba de presentar en Sundance xunto aos ZBoys a película Bones Brigade- sobre as súas afeccións, a súa xira por Europa e sobre a industria e todo o que rodea o skateboard.

Na súa sección breves recolle os acontecementos de wíndsurf, surf, longboard, paddle-surf, bmx, skate, biketrial e bodyboard, que tiveron lugar de outubro a decembro 2011 en Galicia. Entrevista dous dos compoñentes do grupo de Parkour: Galizian Urban Project, tras estar a gravar en Santorini, Grecia, para Red Bull.

E por último, un número máis na sección Promesas, selecciona aos deportistas de entre 16 e 21 anos máis destacados de Galicia en deportes de acción.

Máis info en:

www.revistabaobab.es