Para o ano 2009 esperamos consolidar este proxecto surfeiro con entrevistas, máis fotos e unha mellor cobertura dos eventos organizados nas nosas praias polos clubes, escolas e federación. Isto soamente é o comezo dunha cobertura necesaria e importante pra fortalecer a comunidade surfeira galega e axudar aos novos  a sair en medios de comunicación na rede.

Nestes meses a noticia máis visitada foi a de "Gony fai historia" con 1.029 visitas nestes momentos e a segunda máis visitada foi a noticia dos resultados do Pantín Classic con 767 visitas.

Tamén queremos aproveitar pra agradecer a toda a xente que pegou un link de SurfGZ no seu blog ou web e que axudou nos primeiros momentos a espallar esta iniciativa na rede. Prometemos ofrecer novos servizos á comunidade no vindeiro ano 2009 e poder se-lo soporte do surfing e do BB galego en internet!