No blog de Kike Aradas tedes unha boa entrevista feita a Diego Álvarez Lourido, rider coruñés, local de Bastiagueiro, e unha das grandes promesas do surf galego que ten 17 anos e xa foi campión do Circuíto Galego na súa idade  e superou unha grave lesión o ano pasado.

Ancoradoiro Surf - Pra dar a coñecer á xente que surfea na zona do Barbanza, Marcos Heinrich conversa con Adrián Martínez sobre os seus comezos e experiencias no mundo do surf.

Erika Franco chegou a semis no Protest Vendee Pro Junior a pasada fin de semana e rematou na 7ª posición depois de facer un excelente resultado en cuartos de final con 13.50 puntos. Erika tamén fixo un 8 noutra onda e confírmase como unha das mellores juniors europeas. Luís Rodríguez tamén competiu pero non tivo moita sorte e quedou fora nas primeiras mangas.

Erika adestrando na casa. Foto: Occy

No blog de Occy tedes un post excelente sobre Jason, un rider de California que está a pegar forte nas ondas de Ferrolterra. Como podedes ver nas fotos o seu surfing é todo forza e control.

Dende o blog do Oceano Surf Clube chéganos a triste nova do pasamento de Javier Porta, un dos fundadores da Federación Galega Surf e que pertenceu á Sociedade Galega de Historia Natural e ao Océano Clube.

Na foto tedes a Javier Porta con Tom Curren no Pantín Classic de 1995.

Ata sempre Javier!

Neste vídeo de máis de 7 minutos tedes a historia do Punta Galea 2012 contada por Luís Rodríguez e con boas imaxes de varios cámaras que estiveron recollendo o evento e unha excelente edición de Jesús Busto. Luís explica como foi o seu terrible wipeout e a repercusión que tivo nos medios de Euskadi. Un vídeo 100% recomendado.