Recollemos unha información de FotoGLZ.com na que conta que o equipo do rider basco Axi Munian tivo un forte encontronazo co fotógrafo galego Bruno Novoa e o equipo de ongas xigantes formados por Eric Rebiere e os mellores riders de Portugal XXL na Costa da Morte cando se atoparon nun spot XXL. Segundo esta reportaxe puidemos saber que Axi Munian chegou a ofrecer diñeiro a Bruno para que se marchase da zona e ofendelo, dicirlle que non ía publicar nunca máis nas revistas e nun intre da discusión espetoulles que "este cacho de costa es mía" afirmando que ten exclusividade dunha onda galega.

Dende SurfGZ.com queremos expresar que non apoiamos ningún tipo de localismos e non podemos entender como un surfeiro de Euskal Herria pode reclamar a pertenza e propiedade dunha onda galega ou anaco da súa costa. Tamén apoiar abertamente a Bruno Novoa e de paso, recoñecer a súa grande labor como fotógrafo en ondas xigantes e secret spots do sur da costa galega.

Galiza é un terra hospitalaria que acolle cos seus brazos abertos aos bos e xenerosos pero non trata ben a quen chega con prepotencia e pensa que estas leiras son súas.

Todo isto é parte dunha completa reportaxe onde Bruno explica o que pasou o día no que sairon na procura de ondas xigantes pola Costa da Morte.

Fotos do encontronazo de Axi Muniain

Tedes a reportaxe enteira no seguinte link:

http://www.fotoglz.com/blog/9.php