A Vigo KK Mafia anda estes días pululando polas costas de California e surfeando todo o que poden. Jaji e Gony pasaron un día na praia de Scripps, na Jolla, entre bañistas, canoas e paddles facendo o que mellor saben, divertirse na auga e fora dela.

Velaquí tedes o novo vídeo de Gony Zubizarreta gravado nas augas da illa de Lanzarote o pasado mes de Marzo grazas ao traballo de Pocholo que pasou varios días gravando a un selecto grupo de surfeiros europeos nun Quemao en perfectas condicións abrindo de esquerda e dereita. Días clásicos de vento sur en Lanzarote.

Potente vídeo de Eric Rebiere, Miguel Fortes, Paulo do Bairro, Jose Gregorio e outros riders en Ericeira facendo tubos moi potentes durante dous días de ondas perfectas. O vídeo superou xa as 12.000 visitas en dous días. Recomendado 100%. Vídeo: Bruno Novoa

Pablo Montero & amigos remataron a súa viaxe por Perú e este é un dos últimos vídeos que fixeron en augas do norte do país. A primeira sesión foi nunha excelente esquerda divertida e de praia e con tubos. Todas as ondas do vídeo son na zona de Piscinas en Lobitos, un fermoso lugar pra ir de viaxe polo que se ve no vídeo.

Max Surfaris ten unha oferta para os meses de Abril e Maio nas illas Maldivas a partir de 775€ con sete noites en pensión completa no barco Maha.

Entre os meses de Abril e Outubro, coincidindo co cambio de monzón, as costas do atolón Male gozan dunha tempada de ondas World Class. Ondas perfectas de metro e medio / dous metros, con ventos  Off Shore é o que buscamos e atopamos nestes meses en Maldivas.