Impresionante secuencia de Alberto Barral "Pumuky" no beach break máis potente da nosa costa captada pola cámara de Natalia Bordallo esta fin de semana. Como sempre este spot non para de mostrar a súa beleza e as súas cores intensas que produce canto estoupan os tubos. #galizacalidade

Ricardo Faustino, un dos millores riders de bodyboard de Portugal, está moi ligado a unha onda galega das Rías Baixas practicamente descoñecida e que rompe a cotío sen xente. Esta onda é un slab de esquerdas brutal que xa foi definido por Eric Rebiere como unha onda 'World Class' que non ten nada que envexar a outras grandes ondas do planeta. Neste vídeo podedes ver algunhas baixadas ao límite de Ricardo na compaña de Cristian Pérez, Eric e Rui Rocha.

Fermoso vídeo de bodyboard feito polo rider vigués Javi Blanco, afincado en Australia e que non nos para de sorprender pola calidade dos seus vídeos. Desta vez novas ondas e novos tubos na compaña de varios amigos polo Pacífico Sur.

Velaquí tedes o novo vídeo de Patos Surf Clube con imaxes dos riders Marta, Eloy, Fon, Raul, Pablo e Carlos do seu equipo de Bodyboard en diferentes spots da costa Galega dirixidos por Keko Vilán na procura das millores ondas e sesións.

Espectacular novo vídeo profile do mítico rider vigués Cristian Pérez gravado e editado por Ángel Fotosplino en diferentes spots da costa galega e norte de Portugal. Puro bodyboard con ondas moi fortes durante catro intensos minutos de duración.

A pasada finde tivo lugar na praia da Arda o Campionato Luso-Galaico 2014 de Bodyboard que rematou coa victoria do vigués Christian Pérez e o terceiro posto destacado de Iván Taboada. Noraboa aos dous por este excelente resultado. Foto: Iván Taboada.