Velaquí tedes algunhas das fotos dun novo traballo de Benito Oliveira - Photosurf de principios de mes na praia de Montalvo. Desta vez os riders de BB desfrutaron dunhas ondas tubeiras e potentes con sol e pouco vento. Se identificades aos riders e coñecedes os seus nomes podedes deixar un comentario no pé da nova. Foto: David Vallejo.

Na web de Bruno Novoa tedes unha boa entrevista a un dos grandes riders de BB das Rías Baixas. Nesta entrevista podedes coñecer un pouco máis a este rider do PradoBBK que gusta dos nosos slabs e ondas potentes.

Novo artigo do equipo Cristian Pérez + Ángel Fotosplino na nosa bestia do sur, a dereita máis potente das Rías Baixas, que por fin espertou do seu sono e ofreceu unha cara fermosa que soamente certos privilexiados riders de BB poden catar. Un diamante en bruto. No artigo tedes 5 fotos pero podedes ver toda a secuencia no blog de Fotosplino.

Dúas xoias galegas

Cristian Pérez é un dos riders máis completos de BB da nosa costa e tamén unha persoa fora de serie polo seu xeito de ver o mar e compartir as súas experiencias cos seus amigos. Aquí o tedes desfasando nun dos nosos pequenos slabs de dereita no sur da nosa costa facendo tubos e rolos sen parar. Vïdeo: Fotosplino

Novo traballo de Marcos Amor na Rede cunha escolma das súas mellores fotos montadas nun formato vídeo en Vimeo. Marcos é un dos nosos mellores fotógrafos e é un pracer poder presentarvos este traballo.