O vindeiro domingo 25 de Novembre está convocada a 5ª Proba do Circuíto Open de Bodyboard na praia do Faro (Carnota) as previsións parecen boas polo que podedes pasar pola praia de Lariño pra ver en acción aos mellores riders BB da nosa costa. No caso de que as condicións non se presenten favorables o día 25 de novembro a proba será en Barrañán.

O mítico rider Carlos Viñas, local do Barbanza, levouse o trofeo da 4ª Proba do Circuíto Galego de Bodyboard na Praia de Razo ao finalizar primeiro por diante de  Nacho García, Rubén Deza "Pincho" e Alberto Gundín.. Seguiremos informando.

Podium - Foto sacada do Facebook de Carlos Viñas

Acabamos de recibir vía o Twitter de Alexandre González o aviso da cancelación do Surfusiom 2012 por mor da falta de apoio económico a unha das mellores probas da nosa costa. Na web de IBA Tour tedes toda a info do anuncio feito por Toni Obenza. A proba portuguesa de Sintra tamén ten problemas económicos e cancelaron a proba de DK e mulleres.

Xa temos o novo vídeo da 3ª Proba do Circuíto Galego Open de Bodyboard 2012 - Oxígeno Pizzbur Contest que tivo lugar a pasada fin de semana na praia de Esteiro no Concello de Mañón e no que o primeiro posto da proba foi para o rider Alex Rico.

Todavía quedan prazas libres no Oxígeno Pizzbur Contest de Bodyboard que se vai celebrar esta fin de semana na praia de Esteiro.

A proba é puntuábel para o Circuíto Galego de Bodyboard e o campión terá unha viaxe de avión e unha tarxeta de 500€.

Os outros tres finalistas tamén levarán unha tarxeta de regalo de 500€.

Velaquí tedes un fermoso vídeo da pasada edición do Surfusiom DK 2011 feito por Lodofilms coas imaxes gravadas na praia de Doniños os días do mellor evento de Bodyboard de Galicia.