Catro anos dende o nacemento dun obradoiro movido pola paixón do surf puramente clásico na Costa da Morte. Un vídeo intimo dendo o corazón de Cormorán Surfboards, unha marca de táboas feitas a man creada por Toni Varela, que leva xa catro anos dando servizo aos surfeiros que gustan de cousas sinxelas e ben feitas. Longa vida a este proxecto!

Chegou o momento. Empeza a campaña de crowfunding para "Unha onda lonxana" o novo proxecto de Surf&Comics, o seu primeiro intento de facer un cómic máis longo con 12 follas. Na páxina de Verkami atoparedes toda a información sobre o proxecto, en castelán e en inglés. Se compartides a ligazón, estarémosvos moi agradecidos, pois a canta máis xente cheguemos, máis fácil será sacalo adiante. A rascarse o peto!

O Océano Surf Museo xa está aberto e podes pasar de visita pola Casa da Cultura de Valdoviño pra ver táboas de surf históricas e aprender cousas novas da historia do surf. Enderezo: rúa Centro Saúde, nº58. Horario de visitas: de luns a venres no horario habitual da Casa da Cultura: 10 a 14h. Sábados, domingos e festivos (excepto o 24 e 31 de decembro, e o 1 de xaneiro). Horario: de 12 a 14h e de 16 a 19h. Entrada gratuíta.

O Instituto Tecnolóxico de Galicia leva tempo desenvolvendo un trebello, chamado Flythings surf, pra podermos aplicar a telemetría ao mundo de surf e poder coñecer todos os datos dun surfeiro cando esta a sobre a onda. Deste xeito e posíbel saber todo o relacionado con forza dos xiros e a velocidade na onda, e facilitar a comprensión do noso xeito de surfar.

Velaquí tedes unha entrevista a Pablo Blanco, shaper e fundador de Ula Ola surfboards, unha marca galega de pranchas de madeira que produce e fabrica artesanalmente na cidade da Coruña. Neto de carpinteiro e con formación 3D, Pablo libera os seus deseños pra que outras persoas poidan facer os seus proprios modelos. Se estás interesado en coñecer máis cousas sobre este tipo de pranchas, vas atopar interesante a nosa conversa.

Cando naceu Ula Ola Surfboards e cal é a súa filosofía?

O proxecto Ula Ola naceu no ano 2014 case como un pasatempo. A máxima é deseñar e fabricar táboas amigables co shaper, o medio ambiente e a sociedade. Rescatar procesos e materiais esquencidos e adaptalos ós tempos que corren.

Á súa vez, publicar todos os deseños e os detalles das ferramentas usadas para traballar, polo que se podería dicir que se trata dun proxecto de código aberto.

A cuarta edición do Festival Internacional Mar de Mares celebrarase na Coruña entre os días 19 e 24 de setembro de 2017 cun completo programa de actividades que se prolongará durante o tempo que as súas exposicións permanezan abertas, ata o 19 de novembro.

O festival é un evento multidisciplinar, unha celebración en torno ao mar que ten como obxectivo  sensibilizar e inspirar á comunidade na protección dos océanos. Máis de 20 actividades para todos os públicos ao redor da conservación dos mares e a súa importancia nas nosas vidas: exposicións, obradoiros, proxeccións, encontros, concertos, storytellings, visitas intermareais e o xa tradicional Mercado do Mar, que terá lugar os días 23 e 24 de setembro.

A Onda Perfecta, o cómic dixital personalizable froito da colaboración de Surf And Clean e Surf&Cómics chega ás últimas dúas semanas da súa campaña de Verkami. Durante estes primeiros 25 días a campaña alcanzou o 41% das achegas necesarias pero agora necesitamos a colaboración de tod@s os surfeiros, escolas, clubs, tendas e federacións de surf interesad@s para chegar ao obxectivo de 1.000 euros.

Entra en http://vkm.is/laolaperfecta e axúdanos a conseguilo.

Este mes o Festival de Cinema Surf "Save The Waves" vai ter lugar no Concello de Valdoviño. O vindeiro 26 de Agosto ides poder ver unha selección dos mellores filmes de surf e natureza e o disfrute sostenible das zonas costeiras. Así é como se vive o mar! Esperámosvos o próximo sábado. Save the date!!

Velaquí tedes un vídeo con imaxes de edicións anteriores:

Xa podes colaborar na campaña de apoio ao proxecto "La Ola Perfecta", un comic dixital de 12 páxinas e a toda cor, froito da colaboración entre Surf And Clean e Surf&Comics. Os objetixos do proxecto son:

• Axudar a dar a coñecer o problema que xeran os nosos residuos no mar
• Transmitir cultura de surf
• Incentivar á comunidade surfeira a colaborar activamente na defensa do mar.

Surf And Clean é unha asociación sen ánimo de lucro que loita por un mar sen lixo. Surf&Comics é un proxecto artístico liderado por Maxi González. Cómics e ilustraciones sobre surf.

Presentámosvos un documento histórico con imaxes de surf e bodyboard nas praias do Barbanza a finais do século XX. Neste vídeo poderás ver en acción a moitos bodyboarders míticos daquela época que foron os primeiros da zona en coller ondas.

Grazas a Oxigeno Surf, o Restaurante Area Grande e o traballo de Camaramar.com temos unha nova #webcam na praia de SanRoman (Area Grande) #camaramar

Novo vídeo oficial do Wavegarden Cove coa explicación en inglés do elevado número de ondas que poden conseguir en pouco tempo. Como podedes ver no video é posíbel producir ondas cada 8 segundos na piscina experimental pero no novo deseño falan dun tempo de 4 segundos entre dúas ondas. Eles mesmos falan no vídeo de acadar 1.000 ondas por hora.

Depois de varios anos de investigación e desenrolo hoxe temos a posibilidade de coñecer o novo proxecto de onda artificial de Wavegarden Cove. Esta nova onda abre novas oportunidades polo seu baixo custe e pode ser o futuro do surf xa que afirma conseguir ata 1000 ondas por hora e sete tipos de onda diferentes según o nivel seleccionado.

O Concello de Valdoviño levou a cabo a presentación nacional do Océano Surf Museo na feira ExpoSurf, que se celebrou esta pasada fin de semana en Avilés. Ata alí se desprazaron o alcalde de Valdoviño, Alberto González; a concelleira de Turismo, Rosana García; Vicente Irisarri, en representación do Océano Surf Club, e representantes das escolas de surf do Concello, Iván Manso (Valdo Surf School); Samuel Pantín e Marcos Pita (Pantín Surf Camp) e Estitxu Extremo e David Pardo (Alawa Surf Camp).

Nova entrega de Surf&Comics con este traballo baseado na influencia das novas tecnoloxías como a mensaxería instantánea e a masificación das ondas e a fin dos baños solitarios. Como sempre hai que tomar isto con sentido do humor e disfrutar do traballo de Maxi Gonzalez, e os debuxos de Xabier Lerougue coloreados por Carlos Rios.