Neste video tedes uns exercicios de balance e equilibrio grabado por Kako Garcia e os seus alumnos. En brevés publicará exercicios pra facer ben o floater.

Despois de 2 meses de probas con este interesante candado surfeiro Surf Lock, publicamos esta nova pra darvos a coñecer as nosas impresións sobre este trebello. O candado é cómodo de levar, de abrir, de colocar e de fechar. Unha vez aparco o miña furgo o primeiro que fago e sacar as chaves do contacto e collo o candado. Vou pra parte dianteira e xa coloco o candado debaixo da defensa, no lugar que ten a furgo pra engancha-lo guindastre.

CostaSurf.com - Apresentado un novo concurso de "pilotos" de series web organizado por Nikodemo.tv, a Web Series Festival, e grazas a esa colaboración poderás gañar un premio de 3000€ si a túa obra resulta premiada máis 1000€€ en material, todo iso como dotación do recien creado Premio Quiksilver que galardón ao mellor episodio de temática relacionada co board riding (surf, snow, skate).

Recibimos a noticia dun obradoiro de shape impartido por Daniel Puga "SEFÓN" en Lanzarote. Estes cursos de shape son de nivel básico, o curso vai dirixido a todas aquelas persoas que estean interesados en aprender a facer pranchas de surf. O curso é de 25 horas, 4 persoas por grupo e todo o material está incluido...

 Impartido por Willy Uribe, este obradoiro de fotografía de surf nace sen espírito académico algún e coa premisa de aprender e compartir experiencias dun modo entretido.

Non será un curso para aprender sobre tratamento de imaxe e complicados procesos RAW, senón un espazo práctico onde se compartirán máis de 25 anos de experiencia na fotografía de surf.

O Obradoiro ten unha duración de 4 días e custa 300 euros e o número de alumnos de cada obradoiro será de dúas persoas.

Apresentámosvos neste artigo o candado máis surfeiro, chámase SurfLock e evita ter que agochar as chaves na roda ou debaixo dunha rocha ó carón do noso carro. Este é o primeiro test de material feito na web e imos publicar dous artigos sobre este interesante trebello. Este é o primeiro artigo de presentación e publicaremos outro máis ao remate do test dentro de oito semanas comentando a nosa expericiencia.

Desde la Croa - Un día na casa, revolvendo nuns caixóns, atopei unha foto que automaticamente fixo que me viñesen á cabeza mogollón de recordos e sensacións. A foto era do mítico “O Camallón”, no Orzán, A Coruña.

Meteogalicia.es ven de renovar a súa web de info metereolóxica e subir novas funcionalidades para facela máis interactiva. Agora podes editar a info da portada e personalizala segundo o lugar onde vivas. En SurfGZ xa incorporamos a previsión do tempo, a imaxe do satélite e a previsión de ondas na portada para que sempre esteas informado do que vai vir.

Preme nesta ligazón ou na imaxe para visitar MeteoGalicia.es

No blog de OgrobeSurfing atopamos esta fermosa estampa da praia da Lanzada nos anos 60/70. Natureza virxe e praias salvaxes que moitos de nós non puidemos coñecer. Se tedes fotos antigas de praias galegas, enviademas e serán publicadas na web.

Foto: Daniel Domínguez Iglesias e a foi sacada a mediados dos 70

Desde la Croa - Habendo outras praias mellor comunicadas e máis populares, sen dúbida máis dun preguntouse algunha vez, por que organizar unha proba do circuíto mundial en Pantín?.

O impulso orixinario naceu fai 22 anos, cando o surf, xa enraizado como deporte en Galiza era unha pequena criatura en crecemento. En 1987 non existía ningún clube, ningunha tenda e menos un campionato relacionado co noso deporte. Foi así como, coa idea de cubrir este baleiro, nacían case ao unísono o Océano Surf Clube, a tenda Aquasurf e o Pantín Classic, este último cun reto: organizar un evento que se puidese equiparar ao que por aquel entón xa existía en Francia, California, Australia ou Hawai. Ondas non nos faltaban.

Desde la Croa - Unha das grandes incógnitas e polémicas que seguen abertas da historia do surf, e que mesmo valeu para un artigo no periódico Los Ángeles  States, é a de quen foi o responsable da invención dos traxes de neopreno. Bob Meistrell, xerente da marca Body Globe, di que o inventor foi el. O lendario Jack Ou´Neill tamén di que foi el. E por último, Hugh Bradner, un físico da universidade de Berkeley, é quen se atribúe a invención, cualificando a Bob Meistrell e Jack Ou’Neill como homes de negocios que souberon explotar comercialmente o seu invento. A verdade é que polo menos o primeiro en patentar a idea foi Jack Ou´Neill quen no ano 1971 patentou os traxes de neopreno para surf, ademais doutras pezas como un traxe de foam e a chaquetilla de surf.

Desde a Croa - A finais dos anos 50, o francés Georges Hennebutte desenvolve o que en francés se denominou a “chevillére”, que aos poucos meses da súa aparición pasou a denominarse “fil á patte” (amarre). Inicialmente esta innovación non foi aceptada polos surfeiros máis puristas que querían que o surf seguise sendo fiel ás súas orixes, coas mínimas interferencias. Durante moitos anos foi utilizado unicamente polo sobriño de Georges Hennebutte, Claude Durcudoy.

Dende o blog de Jesús Busto "Desde la Croa" chega esta boa nova do comezo dunha nova etapa no blog. Agora coa súa nova cámara Canon G10 vai publicar fotos dos baños e das sesións que acontezan por Ferrolterra. Eiquí tedes unha mostra do seu primeiro traballo.

Eiquí tedes unha pequena homenaxe ao traballo excepcional feito por Clark Little, o famoso fotógrafo californiano que pasa o tempo xogándose a vida na auga do North Shore Hawaiiano pra facer fotos imposibles xusto cando as ondas van romper na beira.

Nos últimos cinco anos este afotador do surf conseguiu un gran recoñecemento a nivel mundial con aparicións en programas televisivos de primeira audiencia no USA e tamén fixo exposicións en grandes museos como Smithsonian Museum, Alden B. Dow Museum, Science Museum de Virginia, The Four Seasons e The Ritz-Carlton Resorts, e publicou fotos en revistas como o National Geographic, New York Times, LIFE, Nikon World, Paris Match, Outdoor Japan, Sierra, Geo, Nature’s Best Photography, Rangefinder, Surfer’s Journal entre outros.