Cultura Arte & Fotografia 2ª Mostra de Cine de surf da praia de Pantín
2ª Mostra de Cine de surf da praia de Pantín
Mércores, 29 Xullo 2015 14:10

O vindeiro sábado, 15 de agosto, celebrarase no auditorio da Casa da Cultura do Concello de Valdoviño a 2ª Mostra de cine de surf da praia de Pantín, organizada pola asociación ADC Xisto Praia de Pantín. A mostra contará este ano coa participación de tres traballos, locais, nacionais e internacionais. Dentro do primeiro apartado local poderase ver o traballo realizado por Samuel Northcoast, no que presentará unha recopilación dos mellores momentos vividos polo director ao longo deste ano, facendo un percorrido por diferentes lugares e ondas da nosa xeografía.

"La primera ola", traballo documental sobre o nacemento do surf en España poderá verse dentro do apartado de traballos nacionais, o seu director, Pedro Temboury, acompañará aos asistentes durante a  proxección e participará nunha pequena charla-coloquio na que intercambiará as impresións sobre o seu traballo cos asistentes.

Por último, no apartado internacional, a película "The Fisherman's son" de Chris Malloy (o fillo do pescador) será a protagonista; un documental sobre o amor ao mar e importancia das accións individuais na súa conservación, unha historia narrada a través da vida de Ramón Navarro, o seu protagonista.
a mostra dará comezo ás 20:30 horas e terá unha duración aproximada de tres horas.

Debido ao limite no aforo no auditorio, será preciso solicitar a invitación para asistir ao evento, dita invitación poderá ser solicitada a través do correo electrónico da asociación ( Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ) e serán entregadas por rigurosa orde de petición. A invitación será necesaria para acceder ao auditorio.

Tedes + info en:

https://www.facebook.com/adcsl.praiadepantin?fref=ts

{fcomments}

 
2 Votes
Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: