Cultura Adestramentos O surf e o ximnasio, camiños paralelos?
O surf e o ximnasio, camiños paralelos?
Sábado, 25 Outubro 2008 21:15
O principal no mundo do surf é ter unha boa forma física. E nela, o fundamental é o que se chama resistencia. A resistencia fai que poidamos ter a capacidade de estar no auga sen nos cansar.
 
Pero, ¿Que ocorre cando temos que remar para coller unha onda? Nese caso o que precisamos é de potencia. A potencia o que fai é darnos a forza precisa para facer algo nun momento dado. Por exemplo, a resistencia fainos estar na auga remando e a potencia fainos apurar a remada no momento de ir facer o take off.

Hai moita xente que soe ir a ximnasios na procura dunha boa forma física, ademais de practicar o seu deporte preferido. É un bo xeito de compaxinar o deporte e tamén podemos evitar o mais temido: as lesións. Canto mais preparados esteamos fisicamente, menos posibilidades temos de lesionarnos.
Neste artigo o que vos vou ensinar é como tedes que traballar no ximnasio para conseguir forza-resistencia e potencia.

Debemos de ter en conta que antes de todo temos que facer o que se chama traballo cardio-respiratorio, algo do que falamos no artigo anterior. E o mellor que se pode facer é compaxinar este traballo con traballo de musculación: forza-resistencia e potencia.

No traballo con pesas temos que ter en conta tres conceptos:

- RM (resitencia máxima): A RM é o peso máximo que podo levantar dunha soa vez cun músculo.

- Series: A serie é o grupo de repeticións que vou facer nun traballo muscular.

- Repeticións: As repeticións son o numero de veces que vou realizar o exercicio.
 
Forza-resistencia

O primeiro que hai que facer é comprobar a RM. Para iso vou ir colocando peso de maneira progresiva ata ver o peso máximo que son capaz de levantar dunha soa vez. O seguinte é calcular o 50-60 % desa RM. Por exemplo, se co cuadriceps son capaz de levantar 40 kg, comezarei o meu traballo de forza-resistencia cun peso de 20-24 Kg.
 
Neste traballo o numero de series vai ser de 3-4 e o numero de repeticións será de 15-20.

Potencia

 
Despois da forza-resistencia, xa me podo meter coa potencia. Para iso volto comprobar a miña RM. O que fago agora é calcular o 75 % do peso da RM. O que imos cambiar agora é o número de series e as repeticións. Neste caso as series a facer serán 5-6 e as repeticións 10-12.

En resumo temos o seguinte cadro de traballo,
 

                 RM       
         Series          Repeticións
 Forza-Resistencia


 50-60%


 3-4 15-20
 Potencia


75%


 5-6 10-12

Por ultimo hai que ter precaución cunha serie de cousas. Procurade compaxinar esta metodoloxía de traballo con exercicio cardio-respiartorio (piscina, bicicleta,…), alternade os grupos musculares a exercitar (un dia perna, outro dia brazos, etc.), comezade sempre con resistencia para o longo das semanas metervos en potencia e ante calquera dubida preguntádelle aos profesionais que traballen no ximnasio (monitores, fisioterapeutas, entrenadores e demais persoas).

So me queda desexarvos o de sempre. Bo día de praia e boas ondas.

Artigo escrito por Rubén de Anta - Fisioterapeuta colexiado.

{fcomments}

 
8 Votes

0 Comentarios

Engadir comentario


Completa o puzzle pra saber que non es un spammer
Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: