O vindeiro día 20 de Abril podedes asistir como alumnos do Curso de Oceanografía impartido por Tony Butt en San Ciprián  e organizado polo Limosa Surf Clube. Prazas Limitadas. + info en: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou no teléfono 687286419.

Podes deixar o teu comentario en:

{fcomment}

Xa podedes colaborar nesta iniciativa pra lembrar a traxedia do Prestige na Costa da Morte o vindeiro mes de Xaneiro organizada polo artista mallorquín Martin Monjo. A acción que se pretende realizar é unha escultura formada por 80 papaventos como acto de recoñecemento a todas as persoas que colaboraron na limpeza do chapapote.

O mes pasado presentouse Finisterraes, un libro de fotografía sobre os Faros de Galicia feito por Xulio Villarino, no que mostra a beleza dos nosos faros máis importantes. Neste post tedes 6 fermosas imaxes captadas pola cámara deste destacado fotógrafo galego nado na Mariña cedidas polo autor.

A Roncadoira

A partires do 22 de Xuño até o 13 de Xaneiro xa podedes visitar no Museo Marítimo Ría de Bilbao a primeira exposición sobre a historia do surf na costa do Cantábrico e Galicia. Unha exposición fundamental pra entender o vieiro percorrido polo surf desde as súas orixes a principios dos 60, ata a actualidade, cheo de campionatos, tubos, ondas grandes e táboas de todos os tamaños e cores.

Hoxe publicamos unha información publicada no blog de Bodyboard Galego sobre a altura das ondas nas Rías Baixas dende xaneiro do 2006 ata decembro do  2009. Esta análise está feita cos datos das boias en alta mar e da os resultados do promedio semanal de altura, o promedio mensual de altura, comparando ano a ano e o promedio mensual de altura agregando os catro anos do estudo.

Meteogalicia.es ven de renovar a súa web de info metereolóxica e subir novas funcionalidades para facela máis interactiva. Agora podes editar a info da portada e personalizala segundo o lugar onde vivas. En SurfGZ xa incorporamos a previsión do tempo, a imaxe do satélite e a previsión de ondas na portada para que sempre esteas informado do que vai vir.

Preme nesta ligazón ou na imaxe para visitar MeteoGalicia.es

O quecemento global está a afectar gravemente á vida dos océanos. Dous estudos déronse a coñecer hoxe nos cales implican a súbaa da temperatura global e ao cambio climático asociado tanto no perigo de desaparición dos arrecifes de coral como aparición de zonas mortas no océano.

Os arrecifes de coral son moi importantes xa que albergan o equivalente a unha selva tropical no océano, ou sexa rexións onde a biodiversidade está no seu tope, e hai innumerables especies animais e vexetais que dependen deles.

A Sociedade Galega de historia Natural presenta unha xornadas sobre o medio mariño que se van celebrar en Ferrol durante o mes de Febreiro no salón de actos do Ateneo Ferrolán. Estas xornadas presentan diferentes actos como por exemplo:

- Exposicións fotográficas.

- Presentación de videos.

- Conferencias sobre o estado da Ría de Ferrol e a vida mariña.

 Dende SurfGZ animamos a xente a pasar por estas xornadas pra coñecer mellor o estado actual da nosa costa.

Dentro dos nomes que o ser humano lles outorga aos sitios, os que se refiren aos accidentes da costa son dos máis singulares. A importancia que para se guiar no mar e localizar os sitios onde máis pesca había fixeron que se desenvolvese unha ampla toponimia neste sentido, dándolle nome a canto elemento puidese servir de referencia. Xosé Lois Vilar publicou recentemente, desde o Instituto de Estudos Miñoraos, a obra Talasonimia da costa sur de Galicia unha obra que amosa a riqueza e a variedade das denominacións deste ámbito. Agora, o autor explícanos o proceso de recolleita e as curiosidades destas denominacións.

A IFAW fai un chamamento para unha acción internacional urxente contra o ruído nos océanos.

A actual contaminación acústica dos océanos do mundo considera unha ameaza tan seria para os animais marítimos que unha acción internacional urxente debe ser tomada para responder a esta ameaza, segundo un informe alarmante de IFAW.

O informe, Ruído do Océano ( .pdf en inglés): avísanos dun crecente ruído artificial no mar - en particular producido por barcos, radares ultrasónicos e revisións sísmicas - interfire coa comunicación dos mamíferos marítimos, dramaticamente trocando o seu comportamento e perxudicando a súa saúde e ata matando a algunhas baleas e golfiños.