Cultura Ciencias Mariñas Finisterraes Faros De Galicia - Xulio Villarino
Finisterraes Faros De Galicia - Xulio Villarino
Sábado, 22 Setembro 2012 00:00

O mes pasado presentouse Finisterraes, un libro de fotografía sobre os Faros de Galicia feito por Xulio Villarino, no que mostra a beleza dos nosos faros máis importantes. Neste post tedes 6 fermosas imaxes captadas pola cámara deste destacado fotógrafo galego nado na Mariña cedidas polo autor.

FARO roncadoira

A Roncadoira

FARO VILAN

Cabo Vilán

En Finisterraes, Villarino percorre a costa galega, desde Ribadeo até A Guarda, deténdose nos faros pola singularidade, a beleza e o carácter épico da paisaxe, ademais do seu valor arquitectónico. A fotografía aérea descobre perspectivas novas e suxestivas dos faros e as paraxes, case sempre illados e inhóspitos, onde se atopan. E compleméntase coas imaxes realizadas desde terra e desde o mar.

FARO LARIÑO

Faro de Lariño

Finisterraes -"onde acaba a terra e empeza a lenda", como reza o texto introductorio da obra- ofrece unha mirada poética e misteriosa dos sinais marítimos, referencia para os navegantes e tamén para os viaxeiros que queren coñecer o litoral galego. Desde a milenaria Torre de Hércules á moderna edificación de Punta Nariga, o faro de Illas Lobeiras (emerxendo das rocas na ría de Corcubión), o da Illa de Rúa (erixido nun lugar paradisíaco, no medio da ría de Arousa) ou o de Estaca de Bares (onde se funden o Cantábrico e o Atlántico).

Villarino capta a maxia que rodea estas construcións e compón un relato dominado polo mar e o horizonte, pegadas de vida que se mesturan co rastro dos naufraxios. Manda o silencio nesta mirada introspectiva do autor, que presenta un dos seus proxectos máis ambiciosos.

FARO LOBEIRAS

Faro das Illas Lobeiras

Trátase do primeiro traballo fotográfico que abarca, de forma tan completa e sistemática, os faros máis importantes de Galicia, un proxecto que se materializou despois de case dous anos de traballo. O autor documenta 38 faros a través de 118 fotografías en cor. Tanto o texto introductorio, que recolle o testemuño de varios fareros, como os comentarios que acompañan cada imaxe (descrición e información técnica dos faros, datos achega da contorna e algunhas curiosidades) aparecen en tres idiomas, castelán, galego e inglés.

punta cabalo

Punta Cabalo

estaca de bares

Estaca de Bares

Podedes ver máis fotos sobre este libro en:

http://finisterraes.wordpress.com

Faros Galicia

Xulio Villarino (Fazouro-Foz, 1969) vive en Porto de Bares, Mañón, A Coruña desde 1997. É diplomado pola Escola Universitaria de Formación do Profesorado de EGB de Lugo. De formación fotográfica autodidacta, comeza a súa carreira profesional en La Voz de Galicia, onde traballou nas edicións da Mariña e Vigo, desde 1993 até 2001, cando decide dedicarse ao fotoperiodismo de forma independente. Na actualidade as súas fotografías son distribuídas pola axencia Getty Images á vez que é colaborador de diferentes medios de comunicación. É coautor dos libros Once fotógrafos non Camiño (2007), Mar, a pesca en Galicia (2008),El Camnio que hacemos juntas (2010) e A Mariña 43º Norte (2011). As últimas exposicións nas que se mostrou a súa obra son Laberinto de Miradas (Itinerante por Latinoamérica e España, 2010-2011), Atestado Animal (Barcelona 2010), Ars Itineris (Oviedo 2010), Camiño de Santiago (Itinerante por Europa e Latinoamérica 2008-2011). Obtivo distintos premios, entre eles o Luís Ksado 1998, Fuji Europress Photo Awards 1999, Finalista Injuve 1999, Finalista Luís Valtueña 2000 e 2001, Premio Ortega e Gasset 2000, Premio Fuji categoría Viaxes 2002 e Noticias 2003, Finalista Reve!a 2006. A súa obra atópase en coleccións públicas e privadas

 
3 Votes
Cartel

Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: