Xa temos a primeira serie de ceras Ula Ola para surf despois dun ano de traballo. Feitas con cera virxe de abella procedente da Comunidade de montes en mancomún do monte Raño en Irixoa.

Despois de moito traballo e moita espera xa temos online a nova web de Camaramar.com con novas melloras técnicas e un deseño adaptado a teléfonos e tablets. Novas cámaras dende varios portos galegos e tamén en praias como na zona sur de A Lanzada.

O Instituto Tecnolóxico de Galicia leva tempo desenvolvendo un trebello, chamado Flythings surf, pra podermos aplicar a telemetría ao mundo de surf e poder coñecer todos os datos dun surfeiro cando esta a sobre a onda. Deste xeito e posíbel saber todo o relacionado con forza dos xiros e a velocidade na onda, e facilitar a comprensión do noso xeito de surfar.

Grazas a Oxigeno Surf, o Restaurante Area Grande e o traballo de Camaramar.com temos unha nova #webcam na praia de SanRoman (Area Grande) #camaramar

Novo vídeo oficial do Wavegarden Cove coa explicación en inglés do elevado número de ondas que poden conseguir en pouco tempo. Como podedes ver no video é posíbel producir ondas cada 8 segundos na piscina experimental pero no novo deseño falan dun tempo de 4 segundos entre dúas ondas. Eles mesmos falan no vídeo de acadar 1.000 ondas por hora.

Depois de varios anos de investigación e desenrolo hoxe temos a posibilidade de coñecer o novo proxecto de onda artificial de Wavegarden Cove. Esta nova onda abre novas oportunidades polo seu baixo custe e pode ser o futuro do surf xa que afirma conseguir ata 1000 ondas por hora e sete tipos de onda diferentes según o nivel seleccionado.

Xa temos unha nova surfcam na vila de Caión pra ofrecer imaxes a tempo real con vista panorámica da praia e facilitar os desprazamentos e aforro de gasolina na procura de ondas. Deste xeito dende Fisterra ata Bastiagueiro temos a posibilidade de coñecer o estado actual do mar grazas ao traballo de Manu e Camaramar.

Camaramar presenta unha nova webcam en Bastiagueiro con imaxes de calidade a tempo real e movemento coa que podes aforrar tempo e gasoil nos teus desprazamentos grazas a colaboración con Prado Surf Escola e as súas novas instalacións.

Novos vídeos da piscina de ondas de Kelly Slater Wave Company con grandes surfeiros internacionais invitados pra probar esta nova tecnoloxía que está a ser a revolución do surf artificial deste século.

Cando comezamos a nosa andaina hai máis de sete anos atrás, Internet estaba chea de blogs de surf con fotos de sesións por toda a nosa costa dende o Eo ata o Miño, reflexións sobre materiais e tipos de pranchas, estado das praias, vídeos antigos e moitas outras cousas. Cada mes aparecían un ou dos novos blogs que nos enviaban mensaxes e invitacións pra coñecer a súa iniciativa. De feito a finais de 2008 contabamos con máis de 30 blogs amigos na nosa costa con bastante actividade.

Sete anos despois e coa chegada das Redes Sociais, Facebook e Twitter fundamentalmente, estes blogs foron morrendo pouco a pouco e agora mesmo soamente podemos atopar uns poucos blogs con contidos actualizados e que manteñen unha boa actividade como son:

The Seabin Project é un proxecto pra construir unha máquina de limpeza de aspiración que filtra a auga do mar nos peiraos e recolle todo o lixo flotante do seu arredor. Seabin siginifica en inglés literalmente papeleira do mar. Este proxecto fundado por Andrew Turton e Pete Ceglinski, residentes nas illas Baleares está a sorprender a moitos pola eficacia. Debaixo tedes o vídeo do funcionamento do trebello.