A web galega Malpica Surf presentou o pasado mes a súa aplicación pra teléfono móbil coa que podes ler noticias e ver previsións do tempo nas túas praias favoritas. O seu directorio de ondas conta con 63 ondas con info sobre as mareas grazas a colaboración de Camaramar.com e tamén info sobre o spot.

A aplicación permite ler as últimas novas sobre o mundo de surf e tamén conta cun apartado de webs amigas.

Agora xa podedes coñecer o estado do mar a tempo real na praia de Razo grazas ao traballo de Camaramar.com en colaboración con Artsurfcamp. Esta nova cámara permite ver en directo e de seguido con 'streamming' as ondas e o tempo na praia dende o teu portátil pero agora tamén dende o teu smartphone.

Estea semana comezamos coa boa nova dunha nova surfcam na praia de Mar de Fora no corazón da Costa da Morte e que vai aforrar moitos desprazamentos innecsarios os días de pouco mare. Esta nova webcam é posíbel grazas ao traballo de Camaramar.com.

Xa está aquí o novo Wave Gargen con mellores ondas que o ano pasado. Supervídeo con estrelas mundiais do surf como Gabriel Medina e Taj Burrow que proban esta nova onda no interior de Euskadi. Será este o surf do futuro?

Surfmarket.org ven de lanzar un Directorio de Ondas que sirva como Guía de Ondas e Praias onde facer surf. Despois de varios meses de traballo en colaboración con varios blogueiros, escolas e fotógrafos da nosa costa como José Morandeira, Jesús Busto, Fotosplino, Oti Fernández, Yago Chamorro, Benito Oliveira, Julián Fotosurf, Prado Surf Escola, Iron Mountain, Kike Aradas e Pantín Surf Camp xa contamos con 46 spots de surf en Galicia.

Surfmarket.org ven de renovar completamente a imaxe da súa web cun novo logo e unha web + moderna e adaptada aos teléfonos e tablets. Esta web galega de material de surf novo e de segunda man xa superou os 1.000 usuarios rexistrados na súa web e os 1.000 anuncios publicados. Nas Redes Sociais non para de crecer superando os 2.000 followers no Twitter e o milleiro de seareiros no Facebook. Tamén están a facer un bo traballo no Pinterest ofrecendo un exemplo a seguir neste nova rede social moi de moda nos Estados Unidos.

HOTTIES WETSUITS é unha nova marca galega de neoprenos feitos cos mellores materiais e con acabados personalizables até o máis mínimo detalle. Para esta tempada Inverno 2012/13 Hotties Wetsuits ten dispoñibles os seguintes modelos: CYCLOPS 4/3 e 3/2 con peche dianteiro horizontal, OURS 4/3 e 3/2 con peche dianteiro diagonal, FRIED 5/4/3 con peche dianteiro diagonal.

Comezamos a semana cunha boa nova para os riders da Mariña que xa poden ver en directo o estado do mar en Oliñas e aforrar algo de diñeiro en desprazamentos co coche ata este areal da costa norte de Lugo. Esta nova surfcam está dispoñíbel grazas ao traballo do equipo de Camaramar.com

Esta semana temos outra nova webcam en Galicia grazas a Camaramar.com e desta vez na praia de Valdoviño cunha imaxe xeral da praia e que servirá aos surfeiros locais pra saber se paga a pena desprazarse ou ver o estado do vento e ondas a tempo real pra usalo como referencia na súa procura de ondas.

Xa temos unha nova surfcam na costa de Porto do Son grazas a Camaramar.com e o restaurante das Furnas. Agora podemos coñecer o estado do mar a tempo real nunha das praias máis constantes de Galicia. Algúns pensarán que isto é unha mala noticia mais pra nós é un avance poder publicar que xa temos a posibilidade de ver as ondas na praia das Furnas antes de gastar os nosos euros nas abusivas peaxes e tirar litros de gasoil polas estradas galegas.

Camaramar.com sorpréndenos outra vez cunha nova webcam nunha espectacular praia situada na provincia de Pontevedra e no corazón das Rías Baixas, a praia da Lanzada.

O proxecto Camaramar.com anova a súa imaxe web cando vai cumprir un ano de existencia e superando as 1000 visitas o día. Deste xeito esta potente ferramenta recomendada por SurfGZ como a mellor web de surfcams e previsión de vento, ondas e choiva, mellora a sua accesibilidade e o seu formato.