Esta fin de semana podedes participar no clinic de surf no Artsurfcamp. Os obxectivos do clinic son:

1. Desenvolver un sistema de adestramento integral considerando ao deportista desde unha perspectiva global, evitando o esquema analítico e descompensado que separase o aspecto técnico do físico e do psicolóxico
2. Analizar as variables físicas e biomecánicas que inflúen directamente no rendemento do surfeiro, as manobras básicas e a importancia dunha boa execución biomecánica para o éxito da manobra.
3. Identificar desequilibrios articulares e neuromusculares que limitan o rendemento deportivo podendo desencadear algún tipo de lesión.
4. Aumentar o rendemento deportivo optimizando os adestramentos a través do desenvolvemento e control de variables psicolóxicas.

A pasada semana superamos os 3.000 followers en Twitter! Xa somos unha das principais contas galegas e os nosos chíos chegan cada día un pouquiño máis lonxe. Moitas grazas a todos os que nos seguides nas Redes Sociais e espallades as nosas novas e vídeos polas Redes. O noso traballo nas Redes Sociais é significativo e podedes atoparnos sempre polo noso Facebook compartindo as mellores fotos e iniciativas do país.