Velaquí tedes unha escolma das últimas fotos publicadas por Pabolinho no seu blog Nordeslizamento. Este blog é un dos máis activos da nosa costa e é un bo sitio que visitar cando andas na rede se queres ver a calidade do surf e bodyboard da costa ártabra. As paisaxes e a natureza son outros dos temas deste fotógrafo colaborador habitual da nosa web. Na foto: Tino

Jesús Busto - Non hai nada mellor que dispor dun día libre no traballo e que este coincida con moi boas ondas. A marea cadraba perfecta, e por diante estaba todo o día para surfear e gravar. En total 4 horas na auga e 2 coa cámara. Sen dúbida un día completo. Ésto é só un pequeno adianto do vídeo que espero terminar de editar pronto. Namentres, xa estou a desexar poder dispor doutro día libre.