Espectaculares imaxes dunha das nosas praias favoritas gravadas con drone dende o ceo. Un traballo de Roberto surfcasting.

Fermoso vídeo que atopamos pola Rede con imaxes de gran beleza da costa de Arteixo grazas ao traballo de Adrián Sobrino. Esperamos que vos guste!

O 3 de decembro de 1987, o Casón, un cargueiro panameño que transportaba produtos químicos desde Holanda a Xangai, sofre, á altura da costa de Finisterre, un corremento da carga que o obriga a pedir auxilio ás autoridades galegas. Os servizos de rescate que acoden ao encontro do buque, volven a terra cos cadáveres de 23 mariñeiros.

De novo podedes participar nunha limpeza simultánea de varias praias galegas esta fin de semana. Esta acción ambiental quere chamar a atención sobre a falta de limpeza e protección dos nosos areais e van particpar centos de voluntarios. Se queres axudar podes buscar no mapa a túa praia máis cercana e ver os horarios e persoas de contacto.

Este xoves 27 de Xullo ás 22:00h no Centro Social do Mar de Bueu podes asistir á estrea do documental "Paraíso Roubado", con imaxes e argumentos a prol da Ría de Pontevedra e en contra da desfeita provocada pola papeleira ENCE e os eucaliptos na nosa terra. Un evento organizado pola @defensadaria.

Velaquí tedes unha pequena proba co seu novo drone realizada por Antonio Osende Rodrigez na praia de Barrañán un día de ceo azul e ondas pequenas. Sen dúbida esta vai ser outra grande aportación pra mellorar os vídeos que estamos a publicar de Antonio e das súas sesións pola costa da zona de Coruña.

Nesta página web Acorunha.gal mostram-se os nomes dados pola gente do mar a diversos acidentes da Costa Ártabra: praias, ilhas, ínsuas, penas, baixos, pontas e cabos, abras e enseadas, esteiros, etc...

É um projeto ainda aberto que incorpora nomes procedentes de quatro tipos de fontes: recolha direta de pessoas do mar, nomes já recolhidos noutros projetos similares a este, os já recolhidos na toponímia oficial atual e os recolhidos na cartografia antiga. As diferentes origens marcam-se mediante cores.

Desdelacroa - Con esta serán 18 as edicións nas que participamos das Iniciativas Océano de Surfrider Foundation. A deste ano deberiámola organizar esta fin de semana, que era cando, e dentro da campaña, ían ter lugar a maioría das limpezas en Europa. Pero como desde hai uns anos Surfrider permite un calendario máis libre, nós decidimos seguir sendo fieis aos bos costumes, e celebrar a nosa limpeza cando sempre o facemos: o primeiro sábado da primavera, o 25 de marzo.

En todo este tempo, 17 anos, ademais de organizar decenas de limpezas, creo que realmente chegamos a entender a magnitude do problema ao que nos enfrontabamos. Hei de recoñecer que, naquelas primeiras limpezas celebradas no ano 2000, non eramos plenamente conscientes da magnitude do problema: entón o único que nos preocupaba era lograr que a praia de Doniños e outras da nosa comarca (organizamos tamén limpezas en San Cristobal e Valdoviño), estivesen limpas.

ADEGA - A volta á explotación do histórico xacemento de estaño-wolfram de San Fins (Lousame), hoxe propiedade da mineira "Tungsten San Finx SL" (Grupo SACYR) pode supoñer unha nova ameaza ambiental para toda a ría de Noia. Xa en 2008 o reinicio da actividade mineira foi obxecto de denuncia por non ter sometido a información pública o preceitivo Estudo de Impacto Ambiental. Agora a empresa vén de solicitar permiso a Augas de Galiza para verter no medio  arredor de 1 millón de metros cúbicos anuais de augas residuais mineinas procedentes das galerías inundadas e da escorrentía das entulleiras.

Fermoso vídeo con imaxes captadas a vista de paxaro da costa e praias da comarca de Valdoviño con algo de surf e moita natureza. Un traballo de VDG videodrongalicia.

Ecoloxistas en Acción - Na zona da Mariña de Lugo destacamos como modelo do que non hai que facer en relación co urbanismo a Barreiros, pero este non é un caso único. Na comarca, pódese falar tamén de Foz, San Cibrao, Viveiro, O Vicedo, etc. O resultado é unha paisaxe esnaquizada, urbanizacións pantasma, vivendas a medio construír abandonadas, e un longo etcétera que nos mostra un modelo de crecemento urbanístico como os xa presentes nas Rías Baixas.

Ecoloxistas en Acción - O Porto exterior da Coruña en Punta Langosteira é un caso flagrante de gasto nunha zona onde xa teñen un porto exterior. Na actualidade os gastos ascenden a preto de 1.000 millóns de euros e non ten apenas tráfico portuario. Cando acaben as obras no ano 2018 (está previsto nesas datas) o custo multiplicará por moito o orzamento inicial. Unha verdadeira vergoña nun País coa poboación envellecida e onde a xente debe emigrar, onde un número elevado de familias vive baixo o limiar da pobreza, os dirixentes permítense o luxo desa dilapidación mentres a xente pasa fame nos seus fogares, privatizan o SERGAS, etc.

Ecoloxistas en Acción - A Ría de Ferrol esténdese desde a desembocadura do río Grande en Xubia até o Océano Atlántico, abarcando 17 km de lonxitude e 4,5 km de ancho máximo. Boa parte dos seus fondos están formados por cascallos e pedra. A ría conta cunha taxa de renovación da marea moi elevada, que permite unha ampla biodiversidade, que se está vendo perxudicada por diversas infraestruturas (porto exterior, recheos, etc.) e pola falta dunha depuración eficaz. Construíronse recheos na ría de forma indiscriminada, 1.7 millóns de metros cadrados entre o ano 1900 e 2000. A partir do ano 2000, levaron acabo as ampliacións de Forestal do Atlántico-Reganosa ou o Porto Exterior, que provocan grandes impactos sobre o medio mariño.

ADEGA - Organizacións ecoloxistas, sociais e gremiais chamámosvos á mobilización en Pontevedra POLA RÍA, CONTRA ENCE E A EUCALIPTIZACIÓN. A presenza de ENCE condiciona a política forestal galega. Móvete para defende a nosa paisaxe e os nosos ecosistemas. Vémonos o sábado 4 de xuño ás 19:30 en Pontevedra.

SERVIZO DE BUSES:

- Dende Lugo (organiza ADEGA-Lugo): Saída o día 4 ás 16.00 hs. diante da Facultade de Profesorado de Lugo (antigo Maxisterio), na Avenida de Ramón Ferreiro. Reservas de praza: 982240299. Prezo: 10€ por persoa.

- Dende Ferrol, pasando pola Coruña e Compostela: saída o día 4 ás 16.00 hs. diante da Oficina de Correos no Cantón de Molíns. Prezo 10€ por persoa.

O vindeiro día 9 de abril Kannion Surf Bar vai celebrar que xa leva dous anos funcionando ofrecendo comida e bos concertos ao carón da praia de Montalvo e, o igual que o ano pasado, unha das actividades que teñen programadas e a recollida de lixo na praia de Montalvo a partires das 17:00 horas da tarde.

Este ano van colaborar as escolas de surf na limpeza do areal e participarán os seus alumnos polo que intentarán quitar todo o plástico depositado na praia, a falta de algunhas confirmacións debaixo tedes os logos dos que xa se apuntaron.

Xa sabedes, o sábado 9 de Abril pola tarde podedes pasar pola praia a colaborar!!