Cartel
Ecoloxía
TOURIÑÁN e a COSTA DA MORTE – Chapapote e rochas
Martes, 10 Marzo 2009 15:44

Tras seis anos do desastre acontecido co petroleiro “Prestige”, aínda se poden ver os efectos da marea negra na Costa da Morte, quizais a máis castigada de toda a xeografía galega. Entón as rochas parecían flotar nun mar ruín que se cebaba na terra, hoxe ese mesmo océano non foi aínda quen de liberala tintura pegañenta e contaminante do chapapote. Calas como a da fotografía feita onte mesmo, manteñen como un verniz os cantos tapizados en negro e ulíndoos se mestura neles o cheiro do petróleo confundido co do mar.

Ler máis...
 
Verquido no Porto Exterior de Ferrol
Luns, 16 Febreiro 2009 14:45

Ante o verquido que tivo lugar o pasado 8 de Febreiro no Porto Exterior de Ferrol debido ás actividades nas instalacións da empresa Entaban Biocombustibles e que afectou á Ría, os colectivos Sociedade Galega de Historia Natural, Adega e Verdegaia cualifican como tomadura de pelo afirmar, tal e como fixeron os responsables da Autoridade Portuaria de Ferrol, que os 10.000 litros de aceites vexetais e glicerina vertidos non son contaminantes, xa que cada litro de aceite ten a capacidade de contaminar entre 1.000 e 1 millón de litros de auga, dependendo do tipo de aceite.

Ler máis...
 
Area nos ollos. A loita por Baldaio 30 anos despois
Xoves, 05 Febreiro 2009 10:42

Presentado en Flocos.tv este interesante documental sobre os acontecemento do 8 de maio de 1977. Nesa data a vila de Carballo viviu un dos acontecementos máis multitudinarios da súa historia: unha manifestación que reclamaba a devolución da marisma de Baldaio aos veciños, xa que dende 1947 se atopaba en mans duna concesión marisqueira que o que realmente agochaba era a extracción masiva e ilícita de area da marisma de Baldaio, chegando na década dos 70 a extraérense máis de cen camións de area diarios do lugar.

A extracción repercutía negativamente na vida dos vecinos de Lema. Víanse privados do seu medio de vida, o marisqueo comunal; moitas zonas de pastoreo foron asulagadas e non se lles permitía baixar á praia a gozar dela; ademais de estarse provocando na zona unha catástrofe medioambiental, debido ao mal uso das comportas, que se abrían e pechaban en función dos intereses da empresa e non segundo as mareas.

Ler máis...
 
Praia de Seiruga: unha nova agresión
Mércores, 21 Xaneiro 2009 19:33

"Xa está ben", pensan por Seiruga. "Xa está ben de ser a escombreira de Malpica". Ese é o sentimento de boa parte da vecindade de Seiruga, aldea malpicá da parroquia de Barizo, que cansa ante o continuo goteo de malas novas arredor da zona.

Ler máis...
 
A importancia da limpeza das praias
Venres, 16 Xaneiro 2009 11:43

Publicamos este artigo escrito por Felipe Sar, presidente do clube de surf Os Tombos. Primeiro queremos agradecer o concello de Muxia a súa colaboración nas dúas limpezas que realizamos. Hai xente que inda non sabe porque "Os Tombos" nos xuntamos unhas veces o ano e limpamos unha praia, como o ano pasado Nemiña. Ai xente que nos critica por facelo, increible....

Ler máis...
 
Gaspar xa leva un ano na nosa costa!
Venres, 09 Xaneiro 2009 12:12

Na noite do día 13 cumpriuse un ano dende que a CEMMA recibiu o primeiro aviso da presenza de GASPAR nas nosas costas, daquela foi localizado no porto de Cangas e días despois en Riveira.

Desta volta o Gaspar está de viaxe polo norte. A principios de decembro visitou Malpica e depois parou varios días no mesmo porto da Coruña, visitando a dársena e o Parrote, o sábado día 6 de decembro foi o último día que foi observado por alí.

Ler máis...
 
Non ao campo de Golf en Sidarella!
Xoves, 11 Decembro 2008 18:32

O Grove, pola súa case que insularidade, non ten superficies verdes dabondo como para facer un campo de golf sen que se produza un grave impacto natural.Todo o área, está protexida dentro dos espazos da rede NATURA, Convenio RAMSAR, Área de especial protección para as aves..,etc. Que este área, non chege a ocupar toda extensión do monte Siradella-Feáns, non quere dicir, que esta zona non debe ser protexida DA ESPECULACIÓN e das mans do home, coas súas pretensións nada máis que económicas.

Ler máis...
 
Manifesto por un Litoral Vivo
Mércores, 19 Novembro 2008 10:41


A costa de Galiza abrangue uns 1.195 quilómetros de lonxitude, máis do 30% de toda a costa da península Ibérica. Conta con acantilados de até 600 m de altura, na Serra da Capelada, os maiores da Península; rasas mariñas e numerosas illas e illotes. Arredor dun 35% do litoral, uns 600 km, son de praias e outros areais, incluíndo as áreas dunares.

Combínanse e coexisten meios de elevada produtividade (rías, lagoas…) con outros de condicións extremas para a vida (areais, acantilados…). O litoral galego conta cunha riqueza paisaxística, biolóxica e etnográfica única no mundo e fai parte imprescindíbel da nosa identidade cultural, das nosas referencias emocionais e do noso futuro colectivo.

Ler máis...
 
Sexto aniversario do Prestige
Xoves, 13 Novembro 2008 14:29

Hai agora seis anos, un petroleiro cuspindo fuel nas nosas costas convertíase na única referencia informativa do país e provocaba a maior catástrofe ambiental que se lembra.

Foi un mércores 13 de novembro. O temporal azoutaba as nosas costas causando asolagamentos en pobos e cidades, o amarre da flota ou retencións de tráfico. A consecuencia máis grave parecía ser a morte de dúas mulleres pola caída dun guindastre na Coruña. A media tarde, Vieiros facíase eco do perigo de afundimento dunha embarcación cargada de petróleo a 28 millas ao oeste das costas de Fisterra.

Ler máis...
 
ADEGA denuncia actividades incompatíbeis coa conservación do humidal de Baldaio
Venres, 24 Outubro 2008 16:07

Parapentes con motor e avionetas en práticas sobrevoan a lagoa de Baldaio sobre a que tamén se pratica "kite-surfing". sen ningún control. Estas actividades, pola forte emisión de ruidos e a intromisión nas áreas de cría causan graves perxuízos ás aves, entre as que se inclúen especies protexidas e amezadas. Até o de agora, a administración fixo caso omiso ás denuncias apesar de tratarse dunha zona ZEPA (Zona de Especial Protección de Aves), parte da Rede Natura 2000, e estar  Baldaio en trámites de ser declarado humidal protexido.

No humidal de Baldaio (concello de Carballo) véñense desenvolvendo prácticas aéreas tanto con motor -“paramotor”- (parapente con motor) e voos de avionetas en prácticas; como sen motor –“kite surfing”-, sobre a superficie da lagoa e da praia. Os paramotores sobrevoan a lagoa e a praia utilizando como punto de despegue o monte das Saíñas. As avionetas en prácticas despegan dende o aeroporto de Alvedro. Alén disto, os practicantes do “kite surfing” fan continuas pasadas no interior da lagoa.

Ler máis...
 
Oposición ecoloxista ao novo edificio da escola municipal de surf en Doniños
Xoves, 23 Outubro 2008 21:05
Verdegaia denuncia a utilización de falsos argumentos por parte dos promotores do proxecto, con respecto ao estado de conservación das dunas, para xustificar a construción do novo edificio. Demanda a redación dun novo proxecto que respecte íntegramente o espazo dunar.

En relación ao "Proxecto de Rexeneración, Restauración Dunar e Dotación de Equipamentos na Praia de Doniños (Ferrol)", promovido polo Ministerio de Medio Ambiente, Medio Rural y Marino, a asociación ecoloxista Verdegaia ven de remitirlle á Dirección General de Calidad y Evaluación Ambiental de dito Ministerio un escrito sobre as consideracións de dita asociación a respeito das diversas actuacións do proxecto, tras someterse a consulta si sería necesario ou non someter o proxecto ao trámite de Avaliación de Impacto Ambiental, dacordo co R.D.L. 1/2008, do 11 de xaneiro.

Ler máis...
 
Atopado un tiburón balea branco nas Galápagos
Venres, 26 Setembro 2008 13:51

 

Fai un mes un grupo de mergulladores atoparon un tiburón balea branco nas augas das illas das Galápagos. Este exemplar femia duns 11 metros de lonxitude pode ser único na súa especie por mor da falta de pigmetación. Foi atopado nunha excursión de turistas dirixida por Antonio Moreano. El afirma que nesas augas soamente atopan exemplares femia e que non saben onde andan os machos. Estes exemplares de tiburón balea localizanse entre Xuño e Novembro.

Ler máis...
 
A Xunta detecta irregularidades en Valdoviño pero non fai nada!
Mércores, 24 Setembro 2008 12:40

ADEGA - Os datos que facemos público a continuación están na súa maioría recollidos da proposta de informe do Servizo de Urbanismo e Inspección Territorial da Coruña dependente da Consellaría de Política Territorial e Ordenación do Territorio con data 1 de febreiro de 2007. Malia a detectarse graves eivas e irregularidades, a urbanización segue adiante coas administracións mirando para outro lado.

Deste informe tiramos as seguintes CONCLUSIÓNS:
Ler máis...
 
As piscifactorías de Corvo e Foxo Longo serán un dos maiores atentados ecolóxicos de Ribadeo
Martes, 16 Setembro 2008 01:46

As piscifactorías de Corvo de 250.000 m2 e Foxo Longo de 240.000 m2 serán os maiores atentados mediambientais cometidos no Concello de Ribadeo no caso de levarse a cabo. As piscifactoría de Corvo próxima á parroquia de Piñeira ocupa unha zona costeira de indubidable valor ecolóxico e que sen embargo non está protexida pola Rede Natura.

O feito de que non estea protexida non quere dicir que non reúna os requisitos para pertencer a ela. De feito ocupa un espazo de costa de Kilómetro e medio de litoral que está rodeado de áreas protexidas (LIC As Catedrais e LIC Ría de Ribadeo). Este espazo forma un burato dentro da Rede Natura co único obxectivo de abalar as prácticas de destrucción do territorio que supoñen as macropiscifactorías industriais.

Ler máis...
 
A morte sobre a area galega – Un caldeirón, un sono
Venres, 12 Setembro 2008 14:39

Chegou vivo coa mínima forza para arribar á praia salvaxe e escondida, rozar a fina pel contra os grans e morrer. Máis de cinco metros dun animal morto sobre a area. Os cetáceos volven á terra da que proceden cando xa non teñen forzas para seguir na mar.

Tivemos que percorrer a pe un longo traxecto ata chegar ata o seu corpo e o atopamos así, como se ve na foto, aparentando durmido baixo o sol nun sono imposible para un mamífero mariño. Sen feridas, sen danos aparentes, canso de vivir soamente.

Ler máis...
 
<< Inicio < Anterior 1 2 3 4 5 6 7 8 9 Seguinte > Final >>

Páxina 8 de 9

Estado do Mar a tempo real


Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia.

Levamos traballando dende 2008 e publicamos máis de 5.000 novas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: