Convocada unha manifestación de repulsa á prorroga de 60 anos concedida polo Goberno do PP en funcións a papeleira ENCE. Podes asistir este venres ás 20:30 na Praza da Ferraría en Pontevedra. Non pode faltar ninguén!  #EnceFora #PPmafia

Limpa a túa praia!, esta é a mensaxe que queren transmitir os alumnos e monitores de Artsurfcamp e o equipo de Surf and Clean. Neste novo vídeo podedes saber que vai o tema xa que a contaminación mariña non para de medrar e temos que axudar a limpar a costa.

Vídeo de denuncia do derrame de petróleo o pasado 19 de Maio do 2015 en California que matou a milleiros de animais mariños e paxaros. Un gran grupo de surfeiros remaron 5 millas mar adentro para chegar ate diante da plataforma petrolífera e denunciar este tipo de atentado medio ambiental.

Non botes o lixo no mar é o novo video do proxecto 'Surf and Clean', un proxecto que impartiu 4 obradoiros o ano pasado na praia de Razo e que chegaron a máis de 1.000 novos surfeiros para transmitirlles o amor polo mar que todos os que practicamos deportes acuáticos deberiamos ter, e xuntos alzamos as voces para cantar en cada taller. Un xesto pequeno que transforma a canción nun gran berro de protesta ante a realidade que viven nuestos mares.

As Bandeiras Azuis son unha gran fraude denunciada xa hai tempo por moitos colectivos ecoloxistas xa que as bandeiras azuis hai tempo que non teñen ningún aval técnico, nin científico, nin administrativo da Unión Europea. Son promovidas por un conxunto de asociacións privadas ligadas ás empresas turísticas. A acumulación de fraudes e denuncias na súa obtención fixo que a Comisión Europea retiráselle o apoio económico e desmarcásese da campaña hai xa 9 anos. En España é a asociación de educación ambiental e do consumidor (ADEAC) a encargada da súa concesión. Foto: Galipedia.

O vindeiro sábado 20 de Xuño ás sete e media da tarde podedes participar na marcha anual en contra da presenza de ENCE na Ría de Pontevedra. Esta fábrica levantada en tempos do franquismo escarallou o millor banco marisqueiro da Ría e dende hai 50 anos contamina os fondos do mar con chumbo e mercurio. Participa na marcha organizada pola Asociación pola defensa da Ría e defende o noso mar.

ADEGA convoca de novo a tódalas entidades interesadas a unirse neste evento contra a contaminación mariña. As limpezas poderán celebrarse os días 5, 6, e 7 de xuño coincidindo coa celebración do Día Mundial dos Océanos. Centros de ensino, escolas de surf, centros de mergullo, clubes de piragüismo, vela, pescadores, asociacións de todo tipo, concellos ou grupos de particulares están chamados a limpar as praias e denunciar esta problemática ambiental. Se queres participar contacta con ADEGA.

#savemundaka Nestes dous novos vídeos de Ibon Garmendia​ gravados o xoves 14 de Maio podedes ver a desfeita que están a facer na foz do río xunto enfronte da onda de Mundaka. Seica esta fin de semana os riders bascos vanse reunir pra tomar medidas e loitar contra este atentado ecolóxico. Esperamos que poidan parar a desfeita promovida polo políticos e Costas.

Mundakako Surf Taldea (MST) , ante a reconstrución posta en marcha na Praia de Laida quere mostrar a súa oposición a esta actuación , reclama a súa paralización e insta as autoridades a protexer a Barra de Mundaka. O proxecto presenta serios interrogantes sobre a súa efectividade e non se realizaron os estudos necesarios para valorar as posibles consecuencias sobre a Barra de Mundaka .

Change.org - Xa comezou o dragado de Mundaka. As obras de 40.000 metros cúbicos de area da zona do porto para a súa posterior vertedura na praia de Laida, en Ibarrangelu, xa ameazan unha das mellores ondas do mundo. Onte xa se puido ver unha escavadora e un camión dentro da ría e removendo a area a escasos metros da beira cando se anunciou que as obras se realizarían a máis de 100 metros da auga. Vídeo gravado por Ibon Garmendia

Surfingbizkaia Web - As competencias que están detrás do dragado de Mundaka menten e riense da xente. 40.000 Metros cúbicos que saen dos meandros da "Reserva de Urdaibai" , camións e escavadoras esnaquizando unha "Reserva da Biosfera". Están Dragando a 20 metros da barra non a 100 como prometían e sen supervisión de profesionais especializados.A area amontóana na praia de Laida e non nun "embrión de praia" como aseguraban.

Non tedes respecto por nada!! OJALA O MAR PÁGUEVOS COA MESMA MOEDA!! Acordarvos todos cando votedes de quen permitiron que isto pase!! Esa debería ser nosa moeda de cambio ante esta gentuza!! Que vergoña de pais!!

Esta semana recibimos a denuncia de graves verquidos de augas fecais o pasado domingo na praia de Sabón grazas ao aviso de José Manuel Varela. Segundo nos comenta entrou ás 7:30 a surfear neste spot e nun rato comezou a sentir un fedor terrible como de cloacas e de súpeto atopouse remando nun mar de "merda". Dende a nosa web queremos axudar a darvos a coñecer esta situación moi perigosa xa que unha infección deste tipo pode acarrear consecuencias graves para a saude ou incluso a morte.

José tamén avisa dunha situación similar en Barrañán cada vez que chove. Pode ser que varios veciños aproveiten pra baleirar a fosa séptica cando o chove pero isto non se pode tolerar. A saúde das nosas praias é moi importante xa que nos afecta directamente e neste caso o Concello de Arteixo non está a facer ben o seu traballo.

Hoxe en Greenpeace dan un paso máis na campaña por unha pesca sustentable co lanzamento do informe Monster boats, unha lacra para os océanos. Neste informe inclúense os nomes de 20 dos barcos máis grandes e destrutivos de Europa, 20 exemplos de xigantes da mar que contribúen en gran medida á sobrepesca a nivel global. Na lista atópanse 5 barcos con bandeira española. http://bit.ly/1ztwgoj

O Clube Limosa de surf organiza unha nova Limpeza da Ría de San Cibrao este 28 de Agosto a partires das 15:30 no cobertizo do parque. Logo haberá unha charla de Tony Butt "O lixo no mar" no Asteleiro.