ADEGA convoca por terceiro ano consecutivo a limpeza simultánea de praias en toda Galiza. Un referente que xa nos anos anteriores conseguiu que centos de persoas participaran nesta actividade de denuncia e de voluntariado ambiental. A día de hoxe están programadas máis de 25 limpezas que terán lugar o próximo fin de semana do 6, 7 e 8 de xuño en toda Galiza grazas ao compromiso de numerosas persoas, conmemorando o día dos Océanos (domingo 8).

Centros de ensino, escolas de surf, asociacións culturais, concellos, ANPA... e outras moitas entidades que suman un total de 34 convocan limpezas dende A Mariña ata Nigrán. Grandes e pequenos participarán nestas limpezas para reivindicar e dar a ver un grave problema ambiental: os residuos mariños.

Non ao petróleo nas Canarias! Asina e comparte esta petición pra deter as prospeccións petrolíferas nas Canarias. Defendamos as sete illas e non permitamos mareas negras nas súas costas!

http://www.change.org/es/peticiones/onu-referendum-ó-paralizacion-de-las-prospecciones-petroliferas-en-canarias

Non queremos deixar pasar este bo vídeo da limpeza realizada o pasado mes na praia da Arda dentro do programa Iniciativas Oceánicas 2014 na que participaron 112 persoas e recolleron unha tonelada de lixo. Un bo exemplo de como facer as cousas.

Asina na iniciativa popular na defensa da biodiversidade e vida mariña das Illas Canarias. O vindeiro 1 de Abril os tribunais españois van decidir si Repsol poder comezar coas exploracións nunha zona que vai por en perigo o abastecemento de auga da poboación canaria, ameazas as costas con derrames e mareas negras e molestar as baleas no seu paso natural entre África e as Canarias.

Por favor asina e comparte esta iniciativa na web de SAVE CANARIAS:

http://savecanarias.org

Velaquí tedes a convocatoria dunha nova edición das Iniciativas Oceánicas 2014 da Surfrider Foundation o vindeiro 22 de Maroz e que ten como obxetivo limpar as costas do noso planeta nunha xornada mundial de concienciación medio ambiental. O mar está cheio de lixo, plásticos, residuos radioacticos e moitas porcalladas que o home bota sen preocuparse pola saúde dos animais mariños e a vida dos oceános. Colabora, organiza e participa nas limpezas!

A xente de Limosa Surf ven de presentar este vídeo coas imaxes da limpeza da Ría de San Ciprián na que colaboraron moitos voluntarios e quitaron montes de lixo das beiras da Ría. Todo un exemplo pra outros clubes e asociacións.

Fermoso vídeo de Rodri Porcelli con imaxes do paso da cicloxénesis Petra pola costa coruñesa e as ondas xigantes batendo contra os penedos, cabos e rochas de granito que resisten a forza do mare e o paso do tempo.

A illa de Eivissa non quere plataformas petrolíferas nas súas costas nin proximidades mais o governo non escoita o berro da xente e está decidido a comezar coas investigacións e as posibilidades de atopar crú no Mediterráneo. En caso de derrame as consecuencias serán mortais pra moitos mamíferos maritímos, aves e peixes e moi negativas para a poboación das illas Baleares.

Hoxe comezamos a semana cun dato moi importante sobre o deterioro da nosa costa, o 25% da nosa costa está baixo ladrillos, grazas a moitos anos de políticas liberais da dereita galega e dos caciques da costa de todas as cores políticas que se enriqueceron facendo edificios que agora non se poden legalizar como o caso do Concello de Barreiros e as súas 3.000 vivendas valeiras ou zonas como Baiona ou Sanxenxo con toda a liña de costa destrozada.

Costa degradada no Concello de Barreiros

ADEGA - Un ano máis ADEGA organiza a II Limpeza simultánea de praias con motivo do Día Mundial dos Océanos, este 8 de xuño, sábado. Dando continuidade á limpeza simultánea de 2012 que contou coa participación de máis de 700 persoas, ADEGA convoca de novo a todas as entidades interesadas a unirse neste evento de reivindicación e educación ambiental contra a contaminación mariña.

O 8 de xuño diferentes grupos de toda Galiza, centros de ensino, escolas de surf, centros de mergullo, clubes de piragüismo, vela, asociacións de todo tipo ou grupos de particulares están chamados a limpar as praias e denunciar esta problemática ambiental. Se queres participar contacta con ADEGA.

Ver todas as Limpezas simultánea de praias 2013

Xa está ben de surfear con chumbo e mercurio na Ría de Pontevedra por mor da industria contaminante imposta polo réxime franquista na nosa costa. Non queremos mares poluídos e rías contaminadas. Queremos un mar limpo e cheio de vida. O sábado 1 de Maio colle a túa prancha de surf e manifesta a túa repulsa. ENCE FÓRA DA RÍA! Celulosas NON!

Acabamos de recibir esta solicitude de apoio a prol da Declaración de Parque Natural para o Monte Pindo de parte da Asociación Monte Pindo Parque Natural, un colectivo plural, democrático e transparente que traballa a prol da protección do Monte Pindo na Costa da Morte. Por favor colaborade con esta iniciativa compartíndoa nas vosas Redes Sociais.

Estamos firmemente convencidos de que o Monte Pindo merece e debe ser proclamado Parque Natural. Os fundamentos principais que avalan a nosa convicción son os seguintes:

Unhas 50 persoas acudiron á chamada do Océano Surf Clube pra limpar a praia de Doniños esta pasada fin de semana a pesar do mal tempo e a choiva. Moitos riders de Ferrolterra, socios do clube, alumnos da escola The Camp e simpatizantes da natureza arrexuntáronse o sábado ás 12:00 e limparon moitos plásticos e lixo. Encheron 8 contenedores e traballaron a reo. Noraboa e grazas por manter as praias limpas tamén no inverno. 

O vindeiro día 23 de Marzo vas poder colaborar coa limpeza da praia de Doniños organizada polo Océano Surf Clube dentro do programa de Iniciativas Oceánicas da Surfrider Foundation. O obxetivo destas accións é facer público o deterioro das nosas costas e mares. A limpeza comezará na zona do Outeiro a partir das 12:00 horas.

Por favor COLABORA e DIFUNDE esta iniciativa!

Xa podes colaborar na nova edición das 'Iniciativas Oceánicas' da Surfrider Foundation e organizar unha limpeza de praia. A túa axuda é importante tanto como voluntari@ como organizador!