ADEGA vén de denunciar o grave atentado ecolóxico perpetrado contra da lagoa da Frouxeira en Valdoviño consistente na apertura, sangrado e desecado desta coa autorización e dirección da Consellería do Medio Rural, que afectan gravemente ao humidal protexido e a especies ameazadas. Estas operacións, efectuadas en pleno LIC e ZEPA da Costa Ártabra, tiveron lugar entre novembro e decembro de 2009, sendo a última apertura a que provocou a destrución da barreira de area que conformaba a regulación natural do nível hídrico da lagoa. Trátase da mesma política que aplicou o franquismo dende os anos 50 para acabar cos humidais por "improdutivos e insalubres", como a lagoa de Antela.

Verdegaia.org - Verdegaia rexeita o edificio de salvamento e escola de surf previsto nas dunas de Doniños por afectar a hábitats e especies protexidos. Considera, ademáis, que as medidas previstas tanto para "integrar" o edificio na contorna natural como para rexenerar o sistema dunar carecen do máis mínimo rigor, estando abocadas ao fracaso. Verdegaia informa que ven de apresentar alegacións ao Estudo de Impacto Ambiental do proxecto de "Rexeneración, Restauración Dunar e Dotación de Equipamentos na Praia de Doniños (Ferrol)", promovido pola Demarcación de Costas en Galicia a instancias do Concello de Ferrol.

7 anos despois e todo segue igual, non temos barreiras novas, non temos buques e o Prestige continua no fondo do mar botando litros de merda todo-los días. Eiquí tedes un video pra non esquecer a marea máis neghra que asolagou as nosas vidas. CHAPAPOTE NUNCA MÁIS!

Anosaterra.org - Comezan os traballos de despezamento da gabarra Yamburg, varada durante dez meses nas Cobas, nas inmediacións da praia de Balieiros en Corrubedo, Ribeira. A embarcación encallou o 19 de xaneiro duante un temporal cando era remolcada dende o porto grego do Pireo cara a Tallín (Estonia).

ADEGA.info - Ti podes esixirlles a políticos e empresarios sen escrúpulos que cumpran a lei: participa con ADEGA na defensa de Touriñán e boicota os produtos de Pescanova!

Durante uns días, dende o 30 de xuño unha enorme quenlla (seláceo) de gran tamaño vistou a costa da Mariña de Lugo. Nos posteriores días mantívose un dispositivo de alerta da CEMMA en colaboración con Protección Civil dos Concellos da Mariña, para tratar de manter o seguemento do animal. Despois dunha breve visita ao porto de Burela o peixe voltou ás costas abertas dos cantís e praias de Ribadeo, desaparecendo o venres despois de achegarse á costa de Foz

No blog de Surf na Costa da Morte publicaron unhas cantas bonitas fotos do que foi a limpeza de praias organizada polo Clube de Surf Os Tombos na praia de Nemiña. Eiquí tedes unhas cantas fotos de surf e da limpeza:

Verdegaia e a SGHN denuncian á Demarcación de Costas e ao Concello de Ferrol pola construción ilegal de varias rampas de formigón nas praias de Covas. As obras afectaron a varios hábitats naturais e especies botánicas legalmente protexidos.

VIEIROS - "E o resto da costa?". Esa é a pregunta que se fan os ambientalistas do país, preocupados polas últimas novidades ao respecto das políticas que, en materia de protección do litoral, introducirá o próximo goberno. O exemplo a seguir tivémolo recentemente en Valdoviño, onde o Concello decidíu paralizar unhas obras que comezaran no ano 2006, coa intención de construír unha urbanización na praia da Frouxeira, zona de especial protección.

Os surfeiros de Barcelona andan berrando nas rúas en contra da destrucción do seu litoral e dos espigóns pra facer praias de xoguete na que os turistas poidan queimar o seu lombo os meses de verán. Xa está ben de foder as praias! Dende SurfGZ apoiamos esta loita ecoloxista.

Tras seis anos do desastre acontecido co petroleiro “Prestige”, aínda se poden ver os efectos da marea negra na Costa da Morte, quizais a máis castigada de toda a xeografía galega. Entón as rochas parecían flotar nun mar ruín que se cebaba na terra, hoxe ese mesmo océano non foi aínda quen de liberala tintura pegañenta e contaminante do chapapote. Calas como a da fotografía feita onte mesmo, manteñen como un verniz os cantos tapizados en negro e ulíndoos se mestura neles o cheiro do petróleo confundido co do mar.

Ante o verquido que tivo lugar o pasado 8 de Febreiro no Porto Exterior de Ferrol debido ás actividades nas instalacións da empresa Entaban Biocombustibles e que afectou á Ría, os colectivos Sociedade Galega de Historia Natural, Adega e Verdegaia cualifican como tomadura de pelo afirmar, tal e como fixeron os responsables da Autoridade Portuaria de Ferrol, que os 10.000 litros de aceites vexetais e glicerina vertidos non son contaminantes, xa que cada litro de aceite ten a capacidade de contaminar entre 1.000 e 1 millón de litros de auga, dependendo do tipo de aceite.

Presentado en Flocos.tv este interesante documental sobre os acontecemento do 8 de maio de 1977. Nesa data a vila de Carballo viviu un dos acontecementos máis multitudinarios da súa historia: unha manifestación que reclamaba a devolución da marisma de Baldaio aos veciños, xa que dende 1947 se atopaba en mans duna concesión marisqueira que o que realmente agochaba era a extracción masiva e ilícita de area da marisma de Baldaio, chegando na década dos 70 a extraérense máis de cen camións de area diarios do lugar.

A extracción repercutía negativamente na vida dos vecinos de Lema. Víanse privados do seu medio de vida, o marisqueo comunal; moitas zonas de pastoreo foron asulagadas e non se lles permitía baixar á praia a gozar dela; ademais de estarse provocando na zona unha catástrofe medioambiental, debido ao mal uso das comportas, que se abrían e pechaban en función dos intereses da empresa e non segundo as mareas.

"Xa está ben", pensan por Seiruga. "Xa está ben de ser a escombreira de Malpica". Ese é o sentimento de boa parte da vecindade de Seiruga, aldea malpicá da parroquia de Barizo, que cansa ante o continuo goteo de malas novas arredor da zona.

Publicamos este artigo escrito por Felipe Sar, presidente do clube de surf Os Tombos. Primeiro queremos agradecer o concello de Muxia a súa colaboración nas dúas limpezas que realizamos. Hai xente que inda non sabe porque "Os Tombos" nos xuntamos unhas veces o ano e limpamos unha praia, como o ano pasado Nemiña. Ai xente que nos critica por facelo, increible....