Os mariñeiros de Muros e Noia defenden a súa Ría

Galicia Hoxe - Os armadores e pescado­res de marisco e artes varias con base nos portos da ría de Muros e Noia concentráronse onte na zona onde a empresa North West Food pretende ins­talar dúas gaiolas de salmón experimentais, que con­tan coa autorización da Consellería do Mar. Desde as once da mañá, as embarcacións dirixíronse a dito punto, situado no polígono C de Muros, ó comprobar que uns operarios ían colocar as boias que aguantarán destes viveiros.

En pouco tempo ma­nifestáronse máis dun cen­tenar de embarcacións e outras tantas que xa non che­garon ata o lugar ó re­gresar ós seus respectivos portos tras coñecer que a empresa desistira por agora de continuar cos traballos ante o cariz que estaban tomando os acontecementos. Unha patrulla da Gar­da Civil do Mar, acompa­ñada dunha embarcación auxiliar, velou pola segu­ridade na zona e anotou o folio dalgúns do bar­cos participantes sen que se producisen incidentes de importancia.

Noticia completa:

http://www.galiciahoxe.com/vivir-hoxe-galicia/gh/marineiros-frean-as-boias-salmon/idEdicion-2011-03-17/idNoticia-649852/

Foto: Pablo Silva

Usamos cookies

Usamos cookies no noso sitio web. Algúns deles son esenciais para o funcionamento do sitio, mentres que outros axúdannos a melloralo canda a experiencia do usuario (cookies de seguimento). Podes decidir por ti mesmo se queres permitir cookies ou non. Ten presente que se os rexeitas, é posíbel que non poida utilizar todas as funcionalidades do sitio.