Ecoloxía A Costa Manifa surfeira en Barcelona
Manifa surfeira en Barcelona
Martes, 24 Marzo 2009 13:04

Os surfeiros de Barcelona andan berrando nas rúas en contra da destrucción do seu litoral e dos espigóns pra facer praias de xoguete na que os turistas poidan queimar o seu lombo os meses de verán. Xa está ben de foder as praias! Dende SurfGZ apoiamos esta loita ecoloxista.

As praias de Barcelona quedan sen ondas. Ou polo menos iso é o que afirmaban os case cen surfeiros que onte se manifestaron na praia da Barceloneta para reclamar á Administración que deixe de pór diques nas praias catalás. Os espigóns perseguen a finalidade de impedir a perda de area que cada ano obriga a refacer as praias, co gran custo económico que iso representa. Pero estas obras non son do agrado de todos. Segundo a Associació Catalá do Surf, os diques só serven para eliminar as ondas, retardar a renovación da auga e facer que se acumule sucidade. Sosteñen que, ao contrario do que se poida pensar, "as praias barcelonesas son perfectamente surfeables polo menos 150 días ao ano", explica David Fernández, da citada asociación.

"Construíronse tantos portos deportivos, con espigóns paralelos á praia, que a area non se pode volver situar onde debe. A solución que atopou a Administración é construír espigóns mergullados para matar as ondas", engade.

A marcha, que acabou na praza Sant Jaume, ía precedida dunha pancarta que clamaba contra a destrución do litoral.

Máis info en:

http://plataformasosplatges.blogspot.com/

http://www.lavanguardia.es/premium/edicionimpresa/20090323/53666129013.html

 

 
0 Votes


Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: