De novo un fermoso vídeo de surf na praia de Montalvo gravado mediante drone que mostra a beleza desta onda un día de sol.

Velaquí tedes un vídeo de surf feito dende Xapón por Iván Pazos, un surfeiro de Pontevedra que marchou hai cinco anos, no 2014 a Tokio. As praias de Tokio están masificadas e están divididas en dúas grandes zonas, a baia de Sagami e Chiba. O vindeiro ano vanse celebrar os xogos olímpicos en Xapón e o surf vai ser olímpico por primeira vez na historia.

Velaquí tedes o cartel dunha nova edición do evento Z Series de Gony Zubizarreta o vindeiro 6 de decembro.

Entrevista de Surfing.es con Extixu Extremo, surfeira de Euskadi afincada na costa da Mariña e unha das pioneiras do surf feminino en Europa. Naceu en Irún (Gipúzkoa) no ano 1976 e omezou a  surfear aos 14 anos na praia de Hendaia en Francia. Creceu e formouse como surfeira nas praias da costa vasco-francesa. Aos dous anos de estar  surfeando empezou a competir a nivel autonómico, nacional, europeo e mundial, conseguindo o primeiro gran título europeo de surf absoluto en 1997-1999 en Irlanda. Desde entón dedicouse ao  surfing profesional. Foi deportista de elite e membro da selección española de surf desde o 2000 e unha das mellores surfeiras deste país, e todo iso sen deixar de lado os estudos, o que a levaron a instalarse en terras galegas.

O Concello de Valdoviño celebrará o xoves 28 e venres 29 de novembro as “I Xornadas de Surf e Desenvolvemento Sostible” no Océano Surf Museo, cun enfoque marcadamente medioambientalista. Está aberta a inscrición a un público multidisplinar (escolas, administracións, asociacións, etc.) a través da web www.xornadasurf.com.

As xornadas convertiranse no escaparate dos casos de éxito na xestión do surf en diversos territorios, dando a coñecer iniciativas xa consolidadas e de boas prácticas en comunidades como Asturias, Cantabria, Euskadi ou Canarias.

Milu González aproveitando a súa estancia en Galicia e gozando da compañia e xenerosidade do seu amigo Aaron Costa fixeron este fermoso vídeo compartindo unha mañá facendo skimboard na praia de Areabrava no Morrazo.

Mais outro novo vídeo feito por un par viaxeiros que estiveron o pasado mes de outubro por toda a costa galega surfeando moitas das nosas praias con moi boa sorte. Un gran resumo dunha viaxe dende o Miño ata as Rías Altas.