Hoxe en día por mor da crecente presión urbanística nas nosas costas existen certas partes da costa europea onde a masificación surfeira é evidente. Na nosa Terra temos o exemplo de Patos onde un Domingo con boas ondas podémonos atopar con máis de 200 surfeiro/as na procura de ondas perfectas.

Se isto segue a medrar así nuns cantos anos a saturación producida vai dar tanto noxo que o surf perderá o seu valor máis importante, a sensación de liberdade e independencia que produce a súa práctica. Un xeito de potenciar o surfing na Galiza, e na Europa, sería a fabricación de reef artificiais en praias cunha ondaxe forte que sempre rompe en barra, tamén conhecido coma "cerrojo".

Nesta reportaxe podes aprender como montar un reef artificial, sempre que tenhas os cartos necesarios. Mais entre todos e todas poderiámolo acadar. Que tal estaría ter un Pipeline en Samil???

No filme The Day After Tomorrow unha xeira de eventos catastróficos sucédense como consecuencia do quecemento global do planeta; a atmosfera arrefría nuns segundos centos de graos, aparecen enormes tormentas e fortes xeadas, o hemisferio norte parece vivir outra Era de Xeo. Todo isto por mor do arrefriamento dunha parte crucial do sistema océano-atmosfera no Atlántico Norte. Aínda que a película parece unha tolemia, a idea en que está baseada non o é tanto. Numerosos científicos climáticos están a estudar esta posibilidade. Semella que un incremento de auga doce no Atlántico Norte por mor do quecemento global pode interferir co fluxo natural da auga quente a altas latitudes, arrefriando o fluxo dun xeito considerábel.

O clima no norte de Europa é abondo máis quente ca na mesma latitude da outra beira do océano, e por iso aínda se pode surfear no inverno en Irlanda, Gales, Escocia, Inglaterra e Noruega. Por mor deste constante movemento de auga quente a través do océano, a Corrente do Golfo. Sen esta corrente moitos spots surfeiros estarían xeados todo o inverno. Con todo isto quero salientar a importancia do movemento das correntes mariñas non só polo seu efecto nas temperaturas da auga superficial senón pola súa importacia en todo o funcionamento do noso planeta.

A fin de semana do 29 ao 31 de agosto terá lugar o Campionato Galego Caixa Galicia de surf, bodyboard e longboard individual e por equipos na praia de Soesto (Laxe). As inscripciones xa están abertas. Recorda que o xoves 28 ata as 13:00 horas é o último día para facer a inscripción e o pago mediante ingreso ou transferencia bancaria. O día do campionato non é posible federarse, nin inscribirse, nin facer os pagos correspondentes. ¡Se queres competir inscríbete xa!

A praia de Esteiro, en Xove, é unha das preferidas polos surfeiros da comarca e doutros puntos de España, que veñen ata alí para practicar este deporte.

Cóntanos que estaba surfeando na auga cando os oíu gritar pedindo socorro. Foi achegándose a eles (calcula que estaban a uns cen metros da beira) e ao chegarse atopouse con que un non sabían case nadar e que o mar seguía arrastrándoos. «Ou primeiro que fixen ó chegar alí foi agarrar ó que estaba máis gordiño e subilo á táboa. Logo mandei á terra en body a unha dás rapazas e á outra deixeina agarrada na táboa. Nese momento dixéronme que había outro non fondo; entón xa me tirei por el _estaba mal, con ollos brancos e babeando, debía ter aga espesa non corpo_ engancheino polos brazos, subino e ateino á táboa para teo máis seguro. Ó outro mandeille agarrarse tamén e pouco a pouco funos achegando á beira», explicou.

O maior evento do surfing galego vai ter lugar na praia de Valdoviño do día 2 ao 7 de Setembro. Este acto organizado polo Oceano Surf Clube de Ferrol ten 5 estrelas no WQS, as series de calificación mundial que dan o pase ao campionato mundial WCT o vindeiro ano. Dende surfGZ desexámoslles boas ondas e un bo campionato!

Lamentamos comunicarvos que unha vez consultada a previsión meteorolóxica, vémonos obrigados a aprazar a proba prevista para este fin de semana en Os Castros (Ribadeo) dado que todas as previsións apuntan a que non haberá as condicións necesarias para a práctica do surf. A nova data prevista para este evento é 20 e 21 de setembro.