Novo vídeo de Abel Lago, o noso mellor waterman, facendo kitesurf nas ondas da Costa da Morte e Tarifa. Puro espectáculo gravado coa súa GoPro.

Chegou o momento. Empeza a campaña de crowfunding para "Unha onda lonxana" o novo proxecto de Surf&Comics, o seu primeiro intento de facer un cómic máis longo con 12 follas. Na páxina de Verkami atoparedes toda a información sobre o proxecto, en castelán e en inglés. Se compartides a ligazón, estarémosvos moi agradecidos, pois a canta máis xente cheguemos, máis fácil será sacalo adiante. A rascarse o peto!

O surfeiro pontevedrés, local da Lanzada, Ignacio Guisasola proclamouse xusto campión na primeira edición do Waipia O Grove Surf Pro esta pasada fin de semana. Unha xornada marcada polas condicións na Lanzada, vento perfecto do nordés e ondas chegando a pasar un metro de altura, dereitas e esquerdas abriron todo o día para que todos os participantes mostrasen o seu mellor nivel ao máis de centenar de asistentes que se achegaron ao Grove para vivir unha xornada de surf fermosa.

Durante todo o evento sorteáronse agasallos da nosa marca, un neopreno  altagama Premium, 2 ceas para 2 no Casino A Toja, 1 Spa para 2, fundas BRUTO e 2 entradas para o Celta-Real Madrid que se disputou esa mesma tarde. O formato do campionato era en prize  money, contamos con 1000€ en premios, 800€ deles en metálico que se repartiron entre os 4 finalistas.

Novo profile de Alfonso Argibay, team rider de Patos Surf, e un valor en alza do bodyboard galego das Rías Baixas.

Ansesurf - No vídeo de hoxe lévovos a  surfear a unha desas praias nas que nunca hai ondas excepto cando entra un swell descomunal e déixanos estas pequenas pero divertidas ondas en Santa Cristina.

Á terceira foi a vencida, e segundo as previsións, o vindeiro domingo 7 de xaneiro temos campionato! Hora do check in: 8:30. Lugar: Praia da Lanzada, O Grove (Zona Sanatorio). Peche do prazo de inscrición: Venres 5 de Xaneiro ás 12:59.

Abel Lago estaba na auga a primeira hora do día 1 de Xaneiro e nada mellor que comezar o ano nunha nova onda. Vento, frío e moito mar foron os compañeiros de Abel nesta primeira sesión do ano!