Xa tedes na web da FGS os resultados e a crónica oficial da proba de longboard e SUP celebrada o pasado sábado na praia de Bastiagueiro. O evento rematou coa victoria en homes de Iago Baz, en mulleres a vencedora foi Marta Berenguer, en Masters o trofeo foi para Ruffo Navarro e na categoría de SUP o vencedor foi Guillermo Carracedo.

Xa está online o vídeo oficial do II Malpica Longboard Classic 2014. Disfrutádeo!

Excelente e divertido vídeo dunha sesión de longboard nas cristalinas augas de Nemiña grazas a Nando Bares que fixo este curto coa GoPro. O Longboard está feito para o verán e todos os riders deberían contar cun 9 pés no seu quiver pra poder montar as longas ondas pequerechas dos nosos areais.

Xa está aquí a segunda edición do Malpica Longboard Classic organizada os días 16, 17 e 18 de Maio na vila mariñeira de Malpica de Bergantiños. Haberá concertos, clinics, comida, festival classic de longboard o sábado e campionato de longskate. As finais serán o domingo pola mañá.

Hai un par de meses a xente da revista de Longboard Hangten marchou de viaxe a illa de Fuerteventura de surfari coa compaña de Román de Iron Mountain e Toni Varela, soul surfer de Carballo. Disfrutaron dunha semana por toda a illa con sesións incluidas en Lobos onde tiveron sorte e puideron ondas moi longas como podedes ver neste vídeo.

Comezamos cos resultados do primeiro Concurso de Fotografía Surfeira de Galicia co vencedor da categoría de Longboard e o gañador é Iván Silox, un veterano fotógrafo de Asturies que vive pegado a unha carcasa e pasa o día na auga afotando sesións de longboard. O rider da foto é o galego Yago Baz marcándose un bo hang five na vila mariñeira de Malpica de Bergantiños. Puro Long!

A FGS ven de convocar a primeira proba do Circuíto Galego de Longboard e Paddle Surf 2014 esta fin de semana na praia de Nemiña no Concello de Muxía.

Nestes intres estamos á espera da confirmación da proba por mor das condicións de vento e mar que non parecen moi favorabeis. Seguiremos informando...

Resumo do acontecido na praia de Bastiagueiro este pasado sábado coa celebración do Mellor dos Mellores de Longboard e a presentación do vídeo oficial do Ondalonga do ano pasado. Todo o traballo grazas a Jesús Busto.

O vindeiro 22 de Febreiro podedes acudir a festa de presentación do vídeo 'Ondalonga: unha viaxe á onda máis longa de Galicia' na cafeteria Varadero onde tamén haberá música da man de 'The Zipper' e entrega de premios de longboard do Mellor dos Mellores.

Velaquí tedes un excelente vídeo de longboard con imaxes do acontecido no Salinas 2013 e con moita presencia galega na auga como Toni Varela, Nacho Saa, Yago Baz, Javi Taladrid e outros... Unha semana de música e moito surf, onde non faltou a queimada para rematar esta gran festa.