CONFIRMADO! Este ano temos ONDALONGA esta fin de semana, as previsións son moi boas e esperamos que las condicións sexan clásicas, mañá publicaremos o horario e día, sábado ou domingo. Os que vaiades cear o sábado tedes que confirmar no email do evento. Por fin xa chegou!!

Horario:

Venres 13 ~ quedada de benvida e irmandade no restaurante Pasaxe do Pedrido a partires das 8 da tarde.

Sábado14 ~ check in ás 9:00 da mañá no Centro de Promoción da Autonomía Persoal de Bergondo.

~ Fotona e entrada na agua sobre as 9:45 ata que o corpo resista.
~ Sesión de Longskate pola tarde, recuento de votos e entrega de premios.
~ Ás 8 no restaurante Pasaxe do Pedrido pra picar algo e conversar antes da cea.
~ Festa fin de evento con música de Dj Nando Bares e Alberto Mouriño Mou.

Domingo 15 ~ posibilidade de disfrutar dun baño libre na compaña dos amigos!

Arantza de la Pedraja ven de fichar polo equipo Iron Mountain Longboards avalada polo seu surf e boa progresión na auga.

Esta rider cántabra, residente na Coruña e local de Bastiagueiro, ven de reforzar deste xeito o potente equipo de longueirón de Iron Mountain, unha das millores marcas de longboard de Galiza.

Xa está todo preparado para que este mes teña lugar unha nova proba do Circuíto Galego de Surf, Longboard e Paddle na praia de Patos. Desta vez surf open será no Pico de Patos e as probas de longueirón e SUP serán na esquerda de Monteferro. O obxetivo deste evento que vai ter tres fin de semana de periodo de espera é pra procurar as mellores condicións posibeis. Organizan: Federación Galega de Surf, o Patos Surf Clube, Galegos Asociados polo Longueirón e Concello de Nigrán.

Vídeo profile de Néstor Martínez, rider de Ferrolterra e un dos mellores sobre un 9 pés, con imaxes de varias sesións recientes. Casal dos ovos Productions 2013. Edición de Nordeslizamento.com

O OndaLonga 2013 xa conta con máis de 80 participantes inscritos pra gozar do millor evento de longueirón da nosa costa organizado por Galegos Asociados Polo Longboard. O obxetivo deste ano é superar o cento de longs na auga e pasar un bo día na praia do Pedrido.

Nova convocatoria do OndaLonga, o mellor festi galego de longboard, que vai ter lugar na praia de Ponte Pedrido cun periodo de espera de varias findes durante os meses de Outobro, Novembro e Decembre. Agardamos que as condicións este ano sexan boas e poidamos desfrutar dun bo espectáculo na onda máis longa da nosa costa.

Aboiando.com presente este novo video resumo dunha sesión longueira na praia de Nemiña gravado coa GoPro nun día de sol e bo tempo con ondas de medio metro.

Máis de medio cento de riders de toda Galiza, Asturies e diferentes partes do Estado acudiron este pasado sábado a Malpica pra participaren na segunda xuntanza de long na praia de Canido. O evento contou con ondas de medio metro un pouco tocadas polo vento pero con suficiente forza como pra surfear tal e como demostraron os indios e vaqueros disfrazados que entraron xuntos na agua.

Pola noite entrega de trofeos ao mellor bigote e tamén houbo churrasco e boa música do grupo 'Los Simios' xusto diante do Bar Submarino ata ben entrada a noite. Esperamos que este evento teña continuidade e podamos asistir de novo pra pasar un bo día con amigos e sen competición nunha xornada na que o máis importante é pasalo ben.

O vindeiro 7 de Septembro podedes acudir a II Quedada Loggers en Malpica de Bergantiños na que podedes longuear ó estilo Log, xantar productos típicos da Costa da Morte e pola noite churrasco e concerto. Este ano a temática será de vaqueros e indios para os disfraces na sesión de entroido surfeira que terá lugar na praia de Area Maior.

+ info do evento en:

https://www.facebook.com/events/599625423422136/?fref=ts

Fermoso vídeo de Long gravado por Mikey Corkey de viaxe pola costa europea e que nesta entrega mostran a beleza de Asturies e Galiza con imaxes de praias como Salinas e Soesto. 100% Longboard.