Velaquí tedes o novo vídeo de Suso Ben gravado a pasada fin de semana na praia de Salinas durante o festival de longueirón que se celebra todos os anos coa presenza de moitos riders de nove pes de todo o Estado e estrelas internacionais. Este ano unha boa delegación de riders galegos formada por Roman IM, Néstor, Toni Varela, César e Iago TSP, Juan Patiño, Chusma, Abraham e outros máis viviron a experiencia desta festa do longboard e participaron no interclubes como parte do G.A.L.

A semana pasada presentouse a Escola Galega de Longboard da man dun dos mellores riders sobre nove pés da nosa costa, Alberto Mouriño, co obxetivo de formar aos riders interesados en mellorar a súa técnica sobre o longueirón.

Este domingo celebrouse a proba de longboard en Pantín e tamén de Paddle surf con menos mar que no día de onte pero cun sol espectacular. A primeira hora do día houbo outra sesión ceibe de surf con cuarto metro glassy que aproveitamos os long antes de comezar o evento. Houbo baixa participación e comezou en cuartos, as semifinais e finais foron de seguido rematando coa victoria de Yago Baz (1º), Dani Alvite (2º), Ruffo Navarro (3º) e Alberto Mouriño (4º). Nas semis estiveron na auga tamén Lois Rodríguez, Marcos Pita, Juan Patiño e Néstor Martínez.

Queremos aproveitar pra compartir convosco unha serie de fermosas fotos publicadas en Esnifa Salitre da proba de longueirón celebrada en Nemiña o pasado mes. Moita luz e ondas dun metriño fixeron posibeis estas instantáneas preciosas onde se recolle o bo ambiente neste circuíto galego soamente apto para 9 pés. Fotos: Cristina Montero

Ruffo Navarro

Na web da Federación Galega de Surf xa tedes a crónica do que pasou a pasada fin de semana na praia de Nemiña onde se xuntaron os mellores riders da nosa costa con longs e paddle pra celebrar a segunda proba do circuíto galego nas súas modalidades. Houbo choiva e ondas de medio metro de boa calidade con percorrido e tempo de facer boas manobras.

Velaquí tedes o novo vídeo de Carraxe Waves coas imaxes do Campionato de Longueirón e Paddle surf celebrado a pasada finde na praia de Nemiña. En breves publicaremos a crónica e resultados...

Esta fin de semana celebrarase a 2ª Proba open de Longboard e Paddle Surf no areal de Nemiña no Concello de Muxía. O prazo de inscripción está aberto ate o 16 de Maio. Podes formalizar a tua inscricion en Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo Tamén se desenvolverá un campionato paralelo a competición oficial de longboard 100% clásico!!. Os gañadores de longboard e paddle serán premiados con un bono viaxe patrocinado por Ryanair!!

Galegos asociados polo Longueirón ven de sacar un comunicado no Facebook do Campionato de Nemiña pra avisar do cambio de datas da proba para a seguinte fin de semana, días 18 e 19 de Maio.

Este é o comunicado: "Una pena pero con todo el dolor de nuestro corazón aplazamos el campeonato de longboard&sup&logger de este domingo en la playa de Nemiña, las razones, la orientación del mar, que no la vemos totalmente clara para realizar un buen evento.

Este é o cartel do vindeiro evento do Circuíto Galego de Longueirón e Paddle surf que vai ter lugar en Nemiña a mediados deste mes. Xa vos podedes apuntar nesta festa do long galego!

Fermosa sesión de arquivo rescatada polo blog de Esnifa Salitre de longueirón na Costa da Morte de Tono, Javi e Néstor