O vindeiro sábado 27 de Novembro vai ter lugar en Malpica de Bergantiños unha cea dos Galegos Asociados Polo Longueiron onde se vai falar do futuro da asociación e as actividades do 2011: campionatos, festivais, normativa de competición e outras lerias.

Podedes confirmar a vosa asistencia no Facebook dos G.A.L.

Dende o blog de Longboard-ers de Dani Alvite chega este terceiro video do evento Jaguai na Lanzada. Este novo video é integramente de Surf de Pé, esta nova modalidade está collendo cada vez máis forza na Ría de Pontevedra e os surfeiros desta zona teñen cada vez máis nivel como se pode mirar neste video.

A partir de agora e despois do Festival Jaguai na Lanzada, o G.A.L decidiu realizar un Top 16 de Longueirón Galego. Deste xeito haberá unha clasificación galega pra coñecer o mellor rider longueiro deste ano.

Nesta clasificación sumaranse os puntos acadados nos diferentes campionatos e festivais celebrados e o vindeiro ano recibirá o premio durante a celebración do OndaLonga 2011.

Hoxe publicamos unha pequena conversa con Román Díez, subcampión galego de longueirón e un dos dirixentes dos G.A.L. (Galegos Asociados polo Longueirón). Román Díez tamén é un dos organizadores do Festival Onda Longa.

Velaquí tedes o segundo vídeo do "Jaguai na Lanzada" gravado e editado por Dani Alvite. Neste video tedes todas as mangas de longueirón dende oitavos de final ata a final. Podedes ver como as condicións empeoraban e as ondas eran máis complicada de surfar.

Fermoso video de longueirón de Dani Alvite gravado na praia de Nemiña o pasado mes de setembro. O cámara é Toni Varela. A sesión é de ondas pequenas e vento terral, Dani aproveitou para probar o seu novo Origin 9´2 de Exxite Surfboards.

Dani Alvite ven de publicar no seu blog o primeiro video do "Jaguai na Lanzada" que tivo lugar a pasada fin de semana na praia da Lanzada. Este evento foi un éxito de partipación e amosa a forza do longueirón na nosa costa. Os riders do video son Abraham, Rufo, Gitos, Román, Mou, Dani Alvite e algún outro máis...

Novo video de longueirón de Suso Ben, un dos mellores creadores de vídeos-surfeiros galegos na rede. Desta vez, Suso acaba de publicar un vídeo filmado no Festival de Salinas de Longboard 2010 celebrado en Asturies. Nel podedes ver moitas ondas do equipo galego que se desprazou para participar nesta concentración de surfeiros e 9 pés.

Xa están na rede as fotos de Julian Foto Surf do primeiro Jaguai na Lanzada celebrado a pasada fin de semana. O Campión da proba de Longueirón foi Yago Baz, segundo posto para Antonio Varela, terceiro foi Alberto Mouriño e cuarto Dani Alvite. As ondas foron bastante boas con series potentes dun metro. Este evento foi un éxito de participación e público e ten moitas posibilidades de se converter nun evento clásico dentro do panorama do surf galego nas Rías Baixas.

Un participante remontando cara o pico.

Néstor publicou no seu blog Respirando Salitre un novo video de longueirón gravado en Pantín nun día gris e con pouca xente na auga.