Curto vídeo con varias ondas de Yago Baz e Marta Berenguer, dous dos millores riders de longboard da nosa costa, nun dos seus spots habituais onde é normal atopalos disfrutando dos seus nove pés. Un traballo de Borja Ortiz Lacabex.

Xa temos o programa do Malpica Longboard Classic 2015 que vai ter lugar na vila mariñeira de Malpica os días 1, 2 e 3 de Maio e que vai contar con moitas novidades. Concertos pola noite o venres e o sábado, baños nas praias da zona que teñan millores condicións, proxeccións de vídeo, churrascada e Paella. Mercadillo e sesión vermú o domingo. Todo por 25€ e de regalo unha camiseta oficial para os que se apunten antes do evento.

Presentado o cartel da nova edición do Malpica Longboard Classic que vai ter lugar os días 1, 2 e 3 de Maio na vila mariñeira de Malpica de Bergantiños.

Faltan 30 días para unha nova edición do festival Malpica Longboard Classic que vi ter lugar na praia de Areamaior en Malpica de Bergantiños os días 1, 2 e 3 de Maio e que esperamos que conte con boas ondas. A presentación oficial do evento será o 14 de Marzo no Bar Submarino e contará coa presenza de Dani Alvite, Jose Dourado, Javi Taladrid e Toni Varela. Estades tod@s invitad@s!

Novo vídeo de Yago Baz coas imaxes da sesión do Pedrido na compaña dos seus amigos e que mostra a beleza desta onda que non ten comparación. Ondas interminabeis que converten este spot nun paraiso para o Loggin. Moitas grazas a Yago por compartir este vídeo!

Despois de varias semana sen ondas por fin estamos a ter boas sesións e novas fotos polas Redes Sociais e nos blogs máis importantes da nosa costa como estas publicadas por Yago Baz no seu blog co resumo da súa sesión no Pedrido a pasada fin de semana. A onda máis longa de Galiza ofreceu unha boa sesión aos afortunados riders que optaron por este spot pra surfear como podedes ver nestas fotos feitas por Arantza.

Velaquí tedes o novo vídeo de Yago Baz feito nunha destas mañanciñas frías e grises que non apetece nin moverse do camastro pero que como sempre el aproveita pra ser un dos primeiros na súa praia favorita e poder surfear estas ondas longas e ben feitiñas. Aproveitamos pra vos recomendar que pasades polo seu blog xa que é un dos máis actualizados e con moitas fotos de sesións recentes pola costa galega.

Rematamos a semana cun pouco de longboard no Pico de Patos na compaña de Kike Manero, un dos precursores do longboard galego e que leva máis de 30 anos surfando toda a costa galega. Vídeo de FoamTV.

Novo vídeo do Onda Longa 2014 que mostra o punto de vista de Yago Baz, un dos organizadores do evento e tamén gran noserider galego, deste fantástico festivald e longboard que sucede no Pedrido cando chegan as grandes marexadas.

Excelente vídeo resumo con todos os riders do Onda Longa 2014 gravado por Andrés Camacho e Marcelo Muiño na praia de Ponte Pedrido o pasado día 8 de Novembro.