Longboard Longueirón
Horarios OndaLonga 2010 - 27 Marzo
Xoves, 25 Marzo 2010 11:29

Ponte Pedrido

O Festival OndaLonga 2010 xa está en marcha, grazas ás vosas oracións e estes son os horarios do Festival que se van a desenvolver da seguinte maneira. Quedaremos o sábado ás 9:00 am na praia do Pedrido para realizar as inscricións tanto do festi como da cea posterior.

Horarios:

De 9:00 a 10:30 an - Inscricións para entrar na auga, fundamental que pasedes pola carpa tanto os preinscritos cono os inscritos, por aquilo de diferenciarnos todos para as puntuacións.
De 9:00 am a 2:00 pm será o horario de inscrición da nosa fantastica cea onde faremos a entrega de premios, sorteo do traxe e o fantastico concerto dos GRANDISIMOS ALFEIZAR, a cea tedes que abonala xunto coa inscripcion na carpa do festi. OLLO máis tarde das 2:00 pm non se admitirán inscricións da cea.
Ás 10:30 - Reunion de todos os participantes, onde se explicasen as normas, etc...
Ás 11:00 am entraremos na auga ata que nos leve a corrente.
Ás 5:00pm chocolatiño para recuperar forzas.
Ás 8:00 pm GRAN CEA DE ONDALONGUEIROS

Ler máis...
 
Aprazado o Festival OndaLonga 2010
Xoves, 18 Marzo 2010 01:00

ÚLTIMA HORA! - Por mor das condicións do mar a organización de Ondalonga decidiu aprazar o festival para a derradeira fin de semana de Marzo 27 e 28, esperando que non decaiga o ánimo dos participantes .

Saúdos e boas ondas

Seguiremos informando!


 
Logger Paraíso - Yago Baz
Martes, 16 Marzo 2010 01:00

Un par de fermosas instantáneas publicadas por Yago Baz destes días de marzo nalgún afastado lugar da nosa costa. Perfección e beleza recollidas na súa cámara de fotos.

Ler máis...
 
Novo Comunicado Onda Longa 2010
Venres, 12 Marzo 2010 01:00

A  previsión de ondas é moi escasa para a fin de semana polo que non se convocará o festival Onda Longa 2010. Malia isto haberá ondas en outras praias e parece que o sol vainos acompañar uns días así que a surfear moito e a disfrutar do bo tempo. Moitas grazas a todos pola paciencia que tedes, merecerá a pena e atentos aos partes para as seguintes fins de semana.

Saudos e boas  Ondas

Máis info en: www.ondalonga.com

 
Novidades do Festival OndaLonga 2010
Luns, 08 Marzo 2010 01:00

O Festival Ondalonga Festival vaise realizar durante o mes de Marzo a mellor fin de semana segundo as condicións meteorolóxicas: días 13/14; 20/21 o 27/ 28. Tamén contan cun novo colaborador RAZ.es que vai sortear un neopreno Rip curl entre todos os participantes que entren na auga pra participar no festival.

Nestes intres xa teñen apuntados a uns 80 participantes que van levar os seus longueiróns ás augas da ría de Betanzos

Tedes máis info na súa web: www.ondalonga.com

 
OndaLonga - Comunicado de Marzo
Martes, 02 Marzo 2010 17:16

Os organizadores do Festival Ondalonga acaban de publicar un comunicado onde din que o festival vaise realizar durante o mes de Marzo nunha das fin de semana seguintes: 13/14; 20/21 ou 27/ 28.

Avisarase cuns días de antelación en función dos partes meteorolóxicos. Moitas grazas a todos e que non decaia o espírito no tempo de espera!! Un saúdo e boas ondas!

 
Boa acollida do Festival OndaLonga
Sábado, 20 Febreiro 2010 22:28

OndaLonga.com - Dende o G.A.L queremos dar as grazas pola boa acollida que está a ter o festival Ondalonga tanto no noso territorio coma fóra. Chegáronnos solicitudes de Franza, Inglaterra e Portugal, probabelmente non todos acudirán pero o interese foi grande: queremos dicir que o que pretendía ser unha reunión de amigos grazas aos apoios dos colaboradores e dos inscritos estase a converter en algo moi bonito,sendo pequeno e humilde, pero bonito; os que traballamos en Ondalonga estámolo a facer con moito agarimo, tentando que sexa un festival distinto no que prime a cordialidade e o respecto o noso contorno.

Dentro das novidades que están a chegar e que podemos destacar nestes intres é a inclusión de Marejada Surf Shop coma colaborador. Esta tenda asturiana deixaranos testar a todos un longueirón Mayerjjofer, longueiróns un tanto especiais e dignos de surfar con eles.

A segunda novidade, é a chocolatada que se entregará aos surfistas despois da manga.


E a última, é que xa se sabe onde vai ser a cea de confraternización e a entrega de premios; esta será no mesmo Pontepedrido no mesón Anton II, as inscricións para a cea realizaranse no mesmo festival pola mañá pero podemos dicir que o sitio é económico e que se come ben, o prezo acordarémolo nos vindeiros dias.

E nada máis, dicir que os que non vos inscribistes podédelo facer en Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , e o resto que xa podedes preparar  a vosa camisa ou atuendo festivaleiro que o espectáculo está a piques de comezar.




 
Máis de 35 surfeiros apuntados xa no Onda Longa 2010!
Mércores, 10 Febreiro 2010 01:00

Xa hai máis de 35 surfeiros e surfeiras apuntadas no Onda Longa 2010 que xa está no tempo de espera polo que podemos ter festival dentro de pouco tempo. Xa está asegurada a presenza dos millores riders galegos nesta modalidade como son Daniel Alvite, Jose Antonio Varela e Román Díez. A seguinte foto é da sesión da pasada finde en Ponte Pedrido na Ría de Betanzos.

Ponte Pedrido

Fermosa vista da onda de Ponte Pedrido. Foto: Jahgo e o Surf

Ler máis...
 
Xa está na rede a web do Onda Longa 2010
Martes, 02 Febreiro 2010 20:42

Xa está na rede a web oficial do Onda Longa 2010 Longboard Festival que se vai celebrar entre o 27 de febreiro e o 28 de marzo. Este evento organizado pola xente do G.A.L. (Galegos asociados polo Longueirón) que ten un grupo moi activo no Facebook vai ser o referente do longueirón galego. Podedes visitar a súa web en www.ondalonga.com

ONDA LONGA LONGBOARD FESTIVAL

Ler máis...
 
ONDA LONGA LONGBOARD FESTIVAL
Luns, 01 Febreiro 2010 03:10

O longueirón galego está de noraboa estes días xa que por fin e despois de moito traballo por parte da xente do G.A.L. (Galegos asociados polo longueirón) acaban de presentar o cartel  do Iº ONDA LONGA LONGBOARD FESTIVAL que se vai celebrar na praia de Ponte Pedrido no mes de marzo. O tempo de espera do festival vai do 27 de febreiro ao 28 de marzo polo que as boas ondas están aseguradas.

ONDA LONGA LONGBOARD FESTIVAL

Ler máis...
 
<< Inicio < Anterior 11 12 13 14 15 16 17 18 19 20 Seguinte > Final >>

Páxina 20 de 24


Atención! Este sitio emprega cookies e tecnoloxías similares.

Non mudar a configuración do teu navegador implica que aceptas o seu uso.

Acepto

Sobre Nós

Surf GZ é un xornal surfeiro que ten coma obxetivo promover e espallar a cultura da xente da praia pola Rede. Levamos traballando dende 2008 e levamos máis de 4.000 novas publicadas grazas ao traballo dos nosos colaboradores.

Colabora connosco!

Podes colaborar connosco como corresponsal ou fotógrafo enviando os teus artigos, fotos, vídeos, crónicas de campionatos e outros eventos. Estamos encantados de publicar os vosos traballos pra que cheguen a máis xente. Axúdanos!

As nosas Redes

Podes seguirnos nas Redes sociais onde estamos publicando e compartindo novas de seguido. Únete á conversa en: